കോഴിക്കോട്: കുറ്റ്യാടിയില്‍ മിന്നല്‍ ചുഴലി. കായക്കൊടിയിലാണ് വ്യാഴാഴ്ച വൈകിട്ട് മിന്നല്‍ ചുഴലി വീശിയത്.
കായക്കൊടി പഞ്ചായത്തിലെ പട്ടര്‍കുളങ്ങര, നാവോട്ട്കുന്ന് ഭാഗങ്ങളിലാണ് മിന്നല്‍ ചുഴലി വീശിയത്. നാവോട്ട്കുന്നില്‍ മൂന്ന് വീടുകള്‍ തകര്‍ന്നു. രണ്ട് വീടുകള്‍ക്ക് കേടുപാട് പറ്റി.വൈദ്യുത ബന്ധം തകരാറിലായി.
സംസ്ഥാനത്ത് വ്യാഴം, വെളളി ദിവസങ്ങളില്‍ അതിശക്തമായ മഴയ്ക്ക് സാധ്യത ഉണ്ടെന്നാണ് മുന്നറിയിപ്പ്. കോഴിക്കോട്, കണ്ണൂര്‍, കാസര്‍കോട് ജില്ലകളില്‍ വ്യാഴാഴ്ച ഓറഞ്ച് ജാഗ്രതയാണ്. പത്തനംതിട്ട, കോട്ടയം, എറണാകുളം, ഇടുക്കി, തൃശൂര്‍, പാലക്കാട്, മലപ്പുറം, വയനാട് ജില്ലകളില്‍ മഞ്ഞ ജാഗ്രതയും പ്രഖ്യാപിച്ചിട്ടുണ്ട്. വെളളിയാഴ്ച കോഴിക്കോട്, വയനാട്, കണ്ണൂര്‍, കാസര്‍കോട് ജില്ലകളില്‍ ഓറഞ്ച് ജാഗ്രതയാണ്. കേരളാ തീരത്ത് മത്സ്യബന്ധനം പാടില്ല
പ്രതികരിക്കാൻ ഇവിടെ എഴുതുക: