തിരുവനന്തപുരം: നടനും എംഎല്‍എയുമായ മുകേഷിനെതിരെയുളള പീഡന പരാതി പ്രത്യേക സംഘം അന്വേഷിക്കും.എസ്പി പൂങ്കുഴലി അന്വേഷണത്തിന് നേതൃത്വം നല്‍കും.
മുകേഷിനെതിരായ കേസിലെ അന്വേഷണ ഉദ്യോഗസ്ഥന്‍ ചേര്‍ത്തല ഡിവൈഎസ്പി ബെന്നിയാണ് .നടിയുടെ പരാതിയില്‍ നടന്‍ ജയസൂര്യയുടെ കേസ് ഒഴികെയുളള മറ്റ് കേസുകളുടെ അന്വേഷണ മേല്‍നോട്ടം എസ് പി പൂങ്കുഴലിക്കാണ്.
അതിനിടെ എംഎല്‍എ സ്ഥാനം രാജി വെക്കണമെന്ന ആവശ്യം ശക്തമായപ്പോഴും നടിയുടെ ലൈംഗിക അധിക്ഷേപ പരാതി വ്യാജമെന്ന് കാട്ടി മുഖ്യമന്ത്രിക്ക് വിശദീകരണം നല്‍കിയിരിക്കുകയാണ് മുകേഷ്. കേസെടുക്കും മുമ്പ് കഴിഞ്ഞ ദിവസമാണ് മുകേഷ് മുഖ്യമന്ത്രിക്ക് വിശദീകരണം നല്‍കിയത്.
നടിയെ നേരത്തേ അറിയാമായിരുന്നു. നടി ബ്ലാക്ക് മെയില്‍ ചെയ്യാന്‍ ശ്രമിച്ചതിന്റെ വാട്‌സ്ആപ്പ് സന്ദേശത്തിന്റെ തെളിവുണ്ടെന്നും മുകേഷ് മുഖ്യമന്ത്രിയെ അറിയിച്ചിട്ടുണ്ട്.
പ്രതികരിക്കാൻ ഇവിടെ എഴുതുക: