അണ്ണാമലൈയ്‌ക്ക് വികാരനിർഭര യാത്രയയപ്പ് ; വിദേശത്ത് പോയാലും പോരാട്ടം തുടരുമെന്ന് അണ്ണാമലൈ

മധുര: ഉപരിപഠനത്തിനായി അണ്ണാമലൈ ലണ്ടനിലേയ്‌ക്ക് . വികാരനിർഭരമായ യാത്രയയപ്പാണ് അദ്ദേഹത്തിന് ബിജെപി പ്രവർത്തകർ നൽകിയത് . നവംബറിൽ അദ്ദേഹം ഇന്ത്യയിലേക്ക് മടങ്ങിയെത്തും..മൂന്ന് മാസത്തെ ഫെലോഷിപ്പാണ് അദ്ദേഹത്തിന് ലഭിച്ചത്.

“ വിദേശത്ത് പോയാലും തമിഴ്നാട് സർക്കാരിന്റെ പ്രവർത്തനങ്ങൾ സൂക്ഷ്മമായി നിരീക്ഷിക്കും. ഭരണപക്ഷത്തിനെതിരായ പോരാട്ടം തുടരും. വിദേശത്ത് പോയാലും എന്റെ ഹൃദയം തമിഴ്നാട്ടിൽ തന്നെയായിരിക്കും. ഭരണകക്ഷിയുടെ തെറ്റുകളെ ഞാൻ ചോദ്യം ചെയ്യുന്നത് തുടരും. ഞങ്ങളുടെ കാഴ്ചപ്പാടുകൾ റിപ്പോർട്ടുകളിലൂടെ തുടർന്നും വരും,” എന്നും അദ്ദേഹം പറഞ്ഞു.

തന്റെ താൽക്കാലിക അഭാവത്തിൽ പോലും സംസ്ഥാനത്ത് പാർട്ടി പ്രവർത്തനം പതിവുപോലെ തുടരുമെന്നും അണ്ണാമലൈ വ്യക്തമാക്കി. സംസ്ഥാന ഭാരവാഹികൾ സഹായിക്കാൻ കൂടുതൽ സമയം ചെലവഴിക്കുമെന്നും അണ്ണാമലൈ പറഞ്ഞു.