മൂവാറ്റുപുഴ: കേരള ബാസ്കറ്റ്ബാള് അസോസിയേഷന്റെ ആഭിമുഖ്യത്തില് ഇടുക്കി ജില്ലാ ബാസ്കറ്റ്ബോള് അസോസിയേഷന് സംഘടിപ്പിച്ച നാല്പതാമത് സംസ്ഥാന യൂത്ത് ബാസ്കറ്റ്ബോള് ചാംപ്യന്ഷിപ്പിന്റെ ഗേള്സ് ഫൈനലില് നിലവിലെ ചാമ്പ്യന്മാരായ കോഴിക്കോട് ടീം ആലപ്പുഴയെ നേരിടും. കൊല്ലത്തെ (86-39) തോല്പിച്ചാണ് കോഴിക്കോട് ഫൈനലിലെത്തിയത്. തൃശൂരിനെ 80 – 71ന് തോല്പ്പിച്ചാണ് ആലപ്പുഴയെ കലാശപ്പോരിന് ഇറങ്ങുന്നത്.
ആദ്യ സെമിയില് പകുതി സമയത്തു 47-30ന് മുന്നിട്ടുനിന്ന ശേഷമാണ് കോഴിക്കോട് 86-39ന് വലിയ സ്കോറിലേക്ക് കുതിച്ചത്. 24 പോയിന്റുമായി അര്ത്തികയാണ് കോഴിക്കോടിന്റെ ടോപ് സ്കോറര്
രണ്ടാം സെമിയില് ആദ്യ പകുതിയില് 38-18ന് മുന്നിട്ടു നിന്ന ശേഷം കടുത്ത മത്സരത്തില് അവസാന ക്വാര്ട്ടറിലാണ് 80-71ന്റെ വിജയം ആലപ്പുഴ തൃശൂരിന് മേല് നേടിയത്.
രാവിലെ നടന്ന ആണ്കുട്ടികളുടെ ക്വാര്ട്ടര് ഫൈനലില് കോട്ടയം തിരുവനന്തപുരത്തെ തോല്പിച്ചു (66-55), സെമിയില് അവര് മലപ്പുറത്തിനെ (64-28) പരാജയപ്പെടുത്തിയ തൃശ്ശൂരിനെ നേരിടും. മൂന്നാം ക്വാര്ട്ടര് ഫൈനലില് കോഴിക്കോട് (69-37) പത്തനംതിട്ടയെ കീഴടക്കി. സെമിയില് അവര് ആതിഥേയരായ ഇടുക്കിയെ നേരിടും .
