കൊ ച്ചി: സിനിമാ മേഖലയില്‍ നടിമാരെയും മറ്റും പീഡിപ്പിച്ചവരുടെ പേരുകള്‍ ഇനിയും പുറത്തുവരാനുണ്ടെന്ന് നടി ഉഷ ഹസീന. എല്ലാവരും തന്നെ ധൈര്യമായി മുന്നോട്ട് വന്ന് കേസ് കൊടുക്കണമെന്നും നടി പറഞ്ഞു.
ഹേമ കമ്മിറ്റി റിപ്പോര്‍ട്ട് പുറത്തു വന്നതിന് ശേഷം നിരവധി കാര്യങ്ങളാണ് നമ്മള്‍ കേള്‍ക്കുന്നത്.അപ്പോള്‍ കമ്മിറ്റിയ്‌ക്ക് മുന്നില്‍ മൊഴി നല്‍കിയവര്‍ കൂടി മുന്നോട്ട് വന്നാല്‍ വലിയ ഭൂകമ്പമായിരിക്കും ഉണ്ടാകാന്‍ പോകുന്നതെന്നും ഉഷ കൂട്ടിച്ചേര്‍ത്തു.
ഇനി എന്താണ് നഷ്ടപ്പെടാന്‍ ഉള്ളത്.നിങ്ങളുടെ അവസരങ്ങള്‍ നഷ്ടപ്പെട്ടു. വിലക്കേര്‍പ്പെടുത്തി.മൊഴി നല്‍കിയവര്‍ കേസ് കൊടുത്താല്‍ മാത്രമേ കുറ്റക്കാരെ നിയമത്തിന് മുന്നില്‍ എത്തിക്കാന്‍ സാധിക്കുകയുള്ളു. ഉചിതമായ സമയത്ത് സര്‍ക്കാര്‍ വേണ്ടരീതിയില്‍ ഇടപെടും.
പോസിറ്റീവ് ആയിട്ടുള്ള തീരുമാനമായിരിക്കും സര്‍ക്കാരില്‍ നിന്നും ഉണ്ടാവുക എന്നാണ് പ്രതീക്ഷയെന്നും ഉഷ ഹസീന പറഞ്ഞു. ഹേമ കമ്മിറ്റിപോലെയുള്ള വലിയൊരു സംവിധാനമാണ് സര്‍ക്കാര്‍ ഏര്‍പ്പെടുത്തിയതെന്നും ഉഷ പറയുന്നു.
പ്രതികരിക്കാൻ ഇവിടെ എഴുതുക: