പട്ന (ബിഹാര്‍): കോണ്‍ഗ്രസ് നേതാവ് രാഹുല്‍ ജാതി സെന്‍സസിന്റെ മുതലക്കണ്ണീരൊഴുക്കുകയാണെന്ന് കേന്ദ്രമന്ത്രി രാജീവ് രഞ്ജന്‍(ലാലന്‍) സിങ്. ജനങ്ങളെ ആശയക്കുഴപ്പത്തിലാക്കാനാണ് കോണ്‍ഗ്രസ് ശ്രമിക്കുന്നതെന്ന് അദ്ദേഹം പറഞ്ഞു.
ജാതി സെന്‍സസില്‍ രാഹുലിന് ഇപ്പോള്‍ വലിയ ആവേശമാണ്. നിതീഷ് കുമാര്‍ ബിഹാറില്‍ സെന്‍സസ് നടത്തിയപ്പോള്‍ ഇദ്ദേഹം എതിരായിരുന്നു. ഞങ്ങള്‍ ഇന്‍ഡി മുന്നണിയിലായിരിക്കെ നടന്ന രണ്ട് യോഗങ്ങളിലും ഇത് സംബന്ധിച്ച് പ്രമേയം വേണമെന്ന് ഞങ്ങള്‍ പറഞ്ഞു. എന്നാല്‍ രാഹുല്‍ അന്നും തയാറായില്ല.
2025 ഏപ്രില്‍ ഒന്ന് മുതല്‍ പ്രാബല്യത്തില്‍ വരുന്ന ഏകീകൃത പെന്‍ഷന്‍ സ്‌കീമിന് (യുപിഎസ്) മോദി സര്‍ക്കാര്‍ അംഗീകാരം നല്‍കിയതിനെക്കുറിച്ച് പ്രതികരിക്കുകയായിരുന്നു കേന്ദ്രമന്ത്രി. ഏകീകൃത പെന്‍ഷന്‍ പദ്ധതി വളരെ മികച്ചതാണെന്ന് അദ്ദേഹം പറഞ്ഞു.
പ്രതികരിക്കാൻ ഇവിടെ എഴുതുക: