കാര്‍ ബൈക്കിലിടിച്ച് അപകടം; യുവാവിന് ദാരുണാന്ത്യം

ആലപ്പുഴ: ചേര്‍ത്തലയില്‍ കാര്‍ ബൈക്കിലിടിച്ച് യുവാവിന് ദാരുണാന്ത്യം. കായംകുളം കരീലക്കുളങ്ങര സ്വദേശി ജഗത് ആണ് മരിച്ചത്. ഒപ്പമുണ്ടായിരുന്ന സഹോദരന്‍ ഋഷിദേവിന് പരിക്കേറ്റു.

പട്ടണക്കാട് ക്ഷേത്രത്തിന് സമീപം ഇന്ന് പുലര്‍ച്ചെയാണ് അപകടമുണ്ടായത്. എതിര്‍ ദിശയില്‍ വന്ന കാര്‍ ജഗത് ഓടിച്ച ബൈക്കില്‍ ഇടിക്കുകയായിരുന്നു. ജഗത് സംഭവ സ്ഥലത്ത് തന്നെ മരിച്ചു. കൂടെയുണ്ടായിരുന്ന സഹോദരന്‍ ഋഷിദേവിനെ പരിക്കുകളോടെ ആശുപത്രിയില്‍ പ്രവേശിപ്പിച്ചു.