തിരുവനന്തപുരം: സൂപ്പര്‍ ലീഗ് കേരള ഫുട്‌ബോളിന്റെ ആദ്യ സീസണ്‍ അടുത്ത മാസം ഏഴ് മുതല്‍ തുടങ്ങും. ലീഗിന്റെ ആദ്യ സീസണ്‍ ഫിക്‌സറുകള്‍ പ്രഖ്യാപിച്ചു. ഉദ്ഘാടന മത്സരം ഏഴിന് വൈകീട്ട് ഏഴ് മണിക്ക് കലൂര്‍ ജവഹര്‍ലാല്‍ നെഹ്രു സ്റ്റേഡിയത്തില്‍ നടക്കും.
ഫോഴ്‌സാ കൊച്ചിയും മലപ്പുറം എഫ്‌സിയും തമ്മിലാണ് ആദ്യ മത്സരം. കൊച്ചി ഉള്‍പ്പെടെ നാല് വേദികളാണ് സൂപ്പര്‍ ലീഗ് കേരളയ്‌ക്കുള്ളത്. കോഴിക്കോട് കോര്‍പ്പറേഷന്‍ സ്റ്റേഡിയത്തിലും തിരുവനന്തപുരം ചന്ദ്രശേഖരന്‍ നായര്‍ സ്റ്റേഡിയത്തിലും, മലപ്പുറം ജില്ലാ സ്‌പോര്‍ട്‌സ് കോംപ്ലക്‌സ് സ്റ്റേഡിയം എന്നിവയും വേദിയാകും. ആറ് ടീമുകളാണ് ആദ്യ സീസണില്‍ ഉള്‍പ്പെട്ടിരിക്കുന്നത്. ഫോഴ്‌സ കൊച്ചിക്കും മലപ്പുറം എഫ്‌സിക്കും പുറമെ, കാലിക്കറ്റ് എഫ്‌സി, തിരുവനന്തപുരം കൊമ്പന്‍സ്, തൃശൂര്‍ മാജിക്, കണ്ണൂര്‍ വാരിയേഴ്‌സ് എന്നിവയാണ് മറ്റ് ടീമുകള്‍.
പ്രതികരിക്കാൻ ഇവിടെ എഴുതുക: