കായംകുളം: ലഹരിക്കടിമയായ കൊച്ചുമകന്‍ വയോധികയെ കൊലപ്പെടുത്തി.ആലപ്പുഴ പുളിങ്കുന്നിലാണ് സംഭവം.
പുളിങ്കുന്ന് പഞ്ചായത്ത് അഞ്ചാം വാര്‍ഡ് കാഞ്ഞിരക്കാട് ലക്ഷംവീട് കോളനിയില്‍ ജനാര്‍ദ്ദനന്റെ ഭാര്യ സരോജിനി(70)യാണ് മരിച്ചത്. കൊച്ചുമകന്‍ ജിത്തു(24) സരോജിനിയെ തള്ളിയിട്ട് കൊലപ്പെടുത്തുകയായിരുന്നു. ഞായറാഴ്ച രാത്രിയാണ് സംഭവം.
കുടുംബ വഴക്കിനിടെ ജിത്തു സരോജിനിയെ ക്വാറിവേസ്റ്റിലേക്ക് തള്ളിയിടുകയായിരുന്നു.ഞായറാഴ്ച രാത്രി ലഹരിയില്‍ ജിത്തു സരോജിനിയുമായി വഴക്കുണ്ടാക്കി.ഇയാളുടെ ശല്യം സഹിക്കാനാവാതെ സരോജിനി വീട്ടില്‍ നിന്നും പുറത്തിറങ്ങി വഴിയില്‍ നിന്നു.
ഇതിനിടെ സരോജിനിയുടെ സമീപമെത്തിയ ജിത്തു ഇവരെ പിന്നിലേക്ക് തളളിയിടുകയായിരുന്നു.വഴി കോണ്‍ക്രീറ്റ് ചെയ്യുന്നതിനായി നിരത്തിയിരുന്ന ക്വാറി വേസ്റ്റിലേക്ക് തലയിടിച്ച് വീണതിനെ തുടര്‍ന്ന് വയോധികയ്‌ക്ക് തലയ്‌ക്ക് ഗുരുതരമായി പരിക്കേറ്റു.
ഉടന്‍തന്നെ സമീപത്തെ താലൂക്ക് ആശുപത്രിയിലും തുടര്‍ന്ന് വണ്ടാനം മെഡിക്കല്‍ കോളേജ് ആശുപത്രിയിലും എത്തിച്ചെങ്കിലും ഇന്നലെ രാവിലെയോടെ മരണം സംഭവിക്കുകയായിരുന്നു.സംഭവത്തില്‍ പൊലീസ് കേസെടുത്തു.
പ്രതികരിക്കാൻ ഇവിടെ എഴുതുക: