കോഴിക്കോട്: ഭര്ത്താവ് മാനസികമായി പീഡിപ്പിച്ചതിനെ തുടര്ന്ന് യുവതി ആത്മഹത്യ ചെയ്തെന്ന പരാതിയില് വിദേശത്തായിരുന്ന ഭര്ത്താവിനെ പൊലീസ് അറസ്റ്റ് ചെയ്തു. മലപ്പുറം അരീക്കോട് സ്വദേശി ഊര്ങ്ങാട്ടീരി അബ്ദുസമദിന്റെ മകന് നസീലി(27)നെയാണ് പൊലീസ് പിടികൂടിയത്.
മുക്കം ഗോതമ്പ് റോഡ് ചിറയില് വീട്ടില് അബ്ദുല് കബീറിന്റെ മകള് ഹഫീഫ ജെബിന്(20) ആത്മഹത്യ ചെയ്ത സംഭവത്തിലാണ് നടപടി. ഇരുവരും 20 ദിവസം മാത്രമാണ് ഒരുമിച്ച് താമസിച്ചത്.
ജൂലായ് 23ന് നസീല് വിദേശത്തേക്ക് പോയെങ്കിലും സ്ത്രീധനം സംബന്ധിച്ച് ഹഫീഫയെ ഇയാള് നിരന്തരം ഫോണില് വിളിച്ച് ഭീഷണിപ്പെടുത്തുകയും അസഭ്യം വിളിക്കുകയും ചെയ്തിരുന്നതായി പൊലീസിന് നല്കിയ പരാതിയില് പറയുന്നു.
ഈ മാസം ഏഴിനാണ് ഹഫീഫ വീട്ടില് തൂങ്ങിമരിച്ചത്. ഇതിനിടയില് നാട്ടിലെത്തിയ പ്രതിയെ അറസ്റ്റ് ചെയ്യുകയായിരുന്നു.
