സൂചിപ്പാറയില്‍ നിന്ന് വീണ്ടെടുത്തത് മൂന്ന് മൃതദേഹങ്ങള്‍ മാത്രം, ശരീരഭാഗം ഞായറാഴ്ച വീണ്ടെടുക്കും

വയനാട്: സൂചിപ്പാറയില്‍ നിന്ന് വീണ്ടെടുത്തത് മൂന്ന് മൃതദേഹങ്ങള്‍ മാത്രം.ഒരു ശരീരഭാഗം കൂടി ഇനി വീണ്ടെടുക്കണം.

പ്രധാനമന്ത്രി നരേന്ദ്രമോദിയുടെ വയനാട് സന്ദര്‍ശന പശ്ചാത്തലത്തില്‍ ഹെലികോപ്റ്ററിലെ ദൗത്യ സംഘത്തിന് അടിയന്തരമായി മടങ്ങേണ്ടിവന്നതാണ് കാരണം. ശരീര ഭാഗം വീണ്ടെടുക്കുക ഞായറാഴ്ചയാകും.

സൂചിപ്പാറ-കാന്തന്‍പാറ ഭാഗത്ത് നിന്ന് കണ്ടെത്തിയ മൂന്ന് മൃതദേഹങ്ങള്‍ എയര്‍ലിഫ്റ്റ് ചെയ്ത് ബത്തേരിയിലെത്തിച്ചു. ഉരുള്‍പൊട്ടല്‍ ദുരന്തമുണ്ടായി 11-ാമത്തെ ദിവസമായ വെളളിയാഴ്ച കണ്ടെത്തിയ മൂന്ന് പൂര്‍ണ മൃതദേഹങ്ങളാണ് വീണ്ടെടുത്തത്.

ഇന്നലെ സന്നദ്ധ പ്രവര്‍ത്തകരും രക്ഷാദൗത്യ സംഘവും ചേര്‍ന്ന് നടത്തിയ തെരച്ചിലിലാണ് മൃതദേഹങ്ങള്‍ കണ്ടെത്തിയത്. എന്നാല്‍ പിപിഇ കിറ്റ് ഇല്ലാതിരുന്നതിനാലാണ് മൃതദേഹങ്ങള്‍ എയര്‍ലിഫ്റ്റ് ചെയ്യാന്‍ വൈകിയത്.വീണ്ടെടുത്ത മൃതദേഹങ്ങള്‍ അഴുകിയിരുന്നതിനാല്‍ തിരിച്ചറിയാന്‍ കഴിയാത്ത നിലയിലാണുളളത്.