ന്യൂഡല്ഹി : ഇലക്ട്രോണിക്സ് കയറ്റുമതി ആഗോളതലത്തില് ആദ്യ മൂന്നില് ഇടംപിടിച്ചു. ഇന്ത്യ കൈവരിച്ച ഈ പുരോഗതിയില് പ്രധാനമന്ത്രി നരേന്ദ്ര മോദി സന്തോഷം പ്രകടിപ്പിച്ചു. നൂതനമായ യുവശക്തിക്കാണ് ഇതിന്റെ ഖ്യാതിയെന്ന് പ്രധാനമന്ത്രി പറഞ്ഞു.
കേന്ദ്ര ഇലക്ട്രോണിക്സ് – വിവരസാങ്കേതികവിദ്യ മന്ത്രി അശ്വിനി വൈഷ്ണവ് എക്സ് പോസ്റ്റിലൂടെയാണ് ഇന്ത്യയുടെ ഇലക്ട്രോണിക്സ് കയറ്റുമതി ആദ്യ മൂന്നില് ഇടംപിടിച്ചതായി അറിയിച്ചത്. ഇന്ത്യയില് നിന്നുള്ള ആപ്പിള് ഐഫോണ് കയറ്റുമതിയിലെ വര്ധനയാല് രത്നങ്ങളെയും ആഭരണങ്ങളെയും മറികടന്ന് 2024-25 ഏപ്രില്-ജൂണ് പാദത്തിന്റെ അവസാനത്തോടെ ഇലക്ട്രോണിക്സ് ഇന്ത്യയുടെ മികച്ച 10 കയറ്റുമതികളില് മൂന്നാം സ്ഥാനം നേടിയതായുള്ള ബിസിനസ് സ്റ്റാന്ഡേര്ഡ് പത്രത്തിന്റെ ലേഖനവും അദ്ദേഹം പങ്കിട്ടു.
‘തീര്ച്ചയായും ഇത് വളരെയധികം സന്തോഷം നല്കുന്ന കാര്യമാണ്. ഇലക്ട്രോണിക്സില് ഇന്ത്യയുടെ വൈദഗ്ധ്യത്തിന് കരുത്തേകുന്നത് നമ്മുടെ നൂതനമായ യുവശക്തിയാണ്. പരിഷ്കരണങ്ങള്ക്കും മേക്ക് ഇന് ഇന്ത്യയുടെ ഉത്തേജനത്തിനും നാം നല്കുന്ന ഊന്നലിന്റെ തെളിവ് കൂടിയാണിത്. വരും കാലങ്ങളിലും ഈ വേഗത തുടരാന് ഇന്ത്യ പ്രതിജ്ഞാബദ്ധമാണ്”: കേന്ദ്രമന്ത്രിയുടെ എക്സ് പോസ്റ്റിനോട് പ്രതികരിച്ച് മോദി പറഞ്ഞു.
ഇന്ത്യയുടെ ഇലക്ട്രോണിക്സ് കയറ്റുമതി ആദ്യ മൂന്നില് ഇടം നേടി, അഭിനന്ദിച്ച് പ്രധാനമന്ത്രി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.