തൃശൂര്: കാറില് ബസ് ഉരസിയെന്ന് ആരോപിച്ച് കാര് യാത്രക്കാര് കെ.എസ്.ആര്.ടി.സി ബസ് ഡ്രൈവറെ മര്ദ്ദിച്ചെന്ന് പരാതി.പൊന്നാനി -പാലക്കാട് റൂട്ടില് സര്വീസ് നടത്തുന്ന ബസിലെ ഡ്രൈവര് തേഞ്ഞിപ്പലം സ്വദേശി ഉണ്ണിയെയാണ് മര്ദ്ദിച്ചത്.
പരിക്കേറ്റ ഡ്രൈവര് ഒറ്റപ്പാലം താലൂക്ക് ആശുപത്രിയില് ചികിത്സ തേടി.
തൃശൂര് ചെറുതുരുത്തി പള്ളത്ത് വച്ചാണ് സംഭവമുണ്ടായത്. കാര് ബസിന് കുറുകെ നിര്ത്തിയിട്ട ശേഷമാണ് നാലംഗ സംഘം ഡ്രൈവറെ മര്ദിച്ചത്.സംഭവം മൊബൈല് ഫോണില് ചിത്രീകരിച്ച ഒരാളുടെ ഫോണ് തട്ടിമാറ്റാന് സംഘത്തില് ഒരാള് ശ്രമിക്കുകയും ചെയ്തു.
പരാതിയെ തുടര്ന്ന് ചെറുതുരുത്തി പൊലീസ് അന്വേഷണം തുടങ്ങി.
