കൊളംബോ: ശ്രീലങ്കയിലെത്തിയ ഭാരത ക്രിക്കറ്റ് ടീമിന് ഇന്ന് രണ്ടാം ഏകദിനം. കൊളംബോ പ്രേമദാസ സ്റ്റേഡിയത്തിലാണ് മത്സരം. മൂന്ന് മത്സര പരമ്പരയിലെ ആദ്യകളി ടൈയില്‍ അവസാനിച്ചിരുന്നു. ഇരു ടീമുകള്‍ക്കം 230 റണ്‍സാണ് നേടാന്‍ സാധിച്ചത്.
ഉച്ചക്ക് 2.30നാണ് മത്സരം തുടങ്ങുക. രോഹിത്തിനൊപ്പം ശുഭ്മാന്‍ ഗില്‍ ഇന്നിങ്‌സ് തുറക്കും. ടി20 ഫോര്‍മാറ്റില്‍ മികച്ച ഫോമില്‍ കളിച്ച ഗില്ലിന് ആദ്യ ഏകദിനത്തില്‍ തിളങ്ങാനായില്ല. എന്നാലും മാറ്റത്തിന് സാധ്യതയില്ല. മൂന്നാം സ്ഥാനത്ത് വിരാട് കോലി. ആദ്യ ഏകദിനത്തില്‍ വാഷിംഗ്ടണ്‍ സുന്ദറാണ് നാലമനായി കളിച്ചത്. അഞ്ച് റണ്‍സ് മാത്രമാണ് താരം നേടിയത്. എന്നാല്‍ ബൗളിംഗില്‍ തിളങ്ങിയ സുന്ദറിനെ മാറ്റില്ല. എന്നാല്‍ സ്ഥാനം മാറ്റിയേക്കും. നാലാമത് ശ്രേയസ് അയ്യര്‍ തുടരും. തൊട്ടുപിന്നാലെ, വിക്കറ്റ് കീപ്പര്‍ ബാറ്റര്‍ കെ എല്‍ രാഹുലെത്തും. റിഷഭ് പന്ത് ഇന്നും പുറത്തിരിക്കും.
പ്രതികരിക്കാൻ ഇവിടെ എഴുതുക: