ദുരന്ത ഭൂമിയിൽ വൈകിയെത്തി രാഹുൽ, കൂട്ടിന് സഹോദരി പ്രിയങ്കയും ; പ്രതിഷേധങ്ങളെ തണുപ്പിക്കാനാണോ ഈ സന്ദർശനം 

വയനാട് : ദുരന്തം ഉണ്ടായി ദിവസങ്ങൾക്ക് ശേഷമാണ് മുൻ വയനാട് എംപിയും പ്രതിപക്ഷ നേതാവുമായ രാഹുൽ ഗാന്ധിക്ക് മുണ്ടക്കൈയിലെ ദുരന്തബാധിതരെ കാണാൻ ഇപ്പോൾ സമയം കിട്ടിയിരിക്കുന്നത്. മത്സര രംഗത്തുണ്ടായിരുന്നപ്പോൾ വയനാട് തന്റെ വീടെന്ന് ആഹ്വാനം ചെയ്ത രാഹുൽ ആരെ ബോധ്യപ്പെടുത്താനാണ് ഈ വൈകിയ വേളയിൽ ദുരിതരുടെ കണ്ണീരൊപ്പാൻ എത്തുന്നതെന്ന് ആരും സംശയിച്ചു പോകും.

സഹോദരി പ്രിയങ്കാ ഗാന്ധിയും ഒരുമിച്ചാണ് വ്യാഴാഴ്ച കേരളത്തിലെത്തി വയനാട് ജില്ലയിലെ ഉരുൾപൊട്ടൽ ബാധിത പ്രദേശങ്ങളിൽ ആരംഭിച്ച ദുരിതാശ്വാസ ക്യാമ്പുകൾ സന്ദർശിക്കുമെന്ന് പാർട്ടി വൃത്തങ്ങൾ അറിയിച്ചത്. രാവിലെ 9.30ന് കണ്ണൂർ വിമാനത്താവളത്തിൽ ഇറങ്ങിയ രാഹുലും പ്രിയങ്കയും റോഡ് മാർഗം വയനാട്ടിലേക്ക് യാത്ര തിരിച്ചു.

ഇവർ ഉടൻ മേപ്പാടിയിലെത്തുമെന്ന് പാർട്ടി വൃത്തങ്ങൾ അറിയിച്ചു. എഐസിസി ജനറൽ സെക്രട്ടറിയും ആലപ്പുഴ എംപിയുമായ കെസി വേണുഗോപാലും ഇവർക്കൊപ്പമുണ്ട്. ഇരുവരും ചൂരൽമല ഉരുൾപൊട്ടൽ സ്ഥലവും ഒരു കമ്മ്യൂണിറ്റി ഹെൽത്ത് സെൻ്റർ, ഡോ. മൂപ്പൻസ് മെഡിക്കൽ കോളേജ്, മേപ്പാടിയിലെ രണ്ട് ദുരിതാശ്വാസ ക്യാമ്പുകൾ എന്നിവ സന്ദർശിക്കും.

2019ലെ പൊതുതെരഞ്ഞെടുപ്പിൽ വയനാട് ലോക്‌സഭാ മണ്ഡലത്തിൽ നിന്ന് വിജയിച്ച രാഹുൽ ഈ വർഷം ഇവിടെ നിന്ന് വീണ്ടും വിജയിച്ചിരുന്നു. എന്നിരുന്നാലും, ഉത്തർപ്രദേശിലെ റായ്ബറേലി ലോക്സഭാ മണ്ഡലത്തിൽ നിന്ന് വിജയിച്ചതിനാൽ, അവിടെ ഉപതിരഞ്ഞെടുപ്പ് നടക്കുമ്പോൾ പ്രിയങ്ക മത്സരിക്കുമെന്ന് പ്രതീക്ഷിക്കുന്ന വയനാട് മണ്ഡലം രാഹുൽ വിട്ടുകൊടുത്തു.

ചൊവ്വാഴ്ച പുലർച്ചെ മുണ്ടക്കൈ, ചൂരൽമല, അട്ടമല, നൂൽപ്പുഴ എന്നീ ഗ്രാമങ്ങളിൽ കനത്ത മഴയെ തുടർന്നുണ്ടായ ഉരുൾപൊട്ടലിൽ സ്ത്രീകളും കുട്ടികളുമടക്കം 173 പേർ ഇതുവരെ മരിച്ചു.