കോട്ടയം: വയനാട്ടിലെ ദുരന്തവിവരം അറിഞ്ഞ ഉടന്‍ അടിയന്തര നഷ്ടപരിഹാരം
പ്രഖ്യാപിക്കുകയും സൈനിക സഹായത്തിന് ഉത്തരവിടുകയും ചെയ്ത കേന്ദ്ര സര്‍ക്കാരിനെതിരെ രാഷ്ട്രീയ മുതലെടുപ്പിന് ദുരന്തവേളയിലും കേരള കോണ്‍ഗ്രസ് ജോസ് കെ. മാണി ഗ്രൂപ്പിന്‌റെ ശ്രമം. വയനാട് ഉരുള്‍പൊട്ടല്‍ രാജ്യസഭയുടെ അജണ്ട മാറ്റിവച്ച് ചര്‍ച്ച ചെയ്യണമെന്ന ആവശ്യം അധ്യക്ഷന്‍ അംഗീകരിക്കാത്തതിനെ തുടര്‍ന്ന് ജോസ് കെ. മാണി എം.പി. ‘പൊട്ടിത്തെറിച്ചു’വെന്നാണ് പാര്‍ട്ടി കേന്ദങ്ങളില്‍ നിന്ന് പത്രമാദ്ധ്യമങ്ങള്‍ക്ക് കൈമാറിയ വിവരം. രാജ്യസഭയില്‍ ഒരംഗം മാത്രമുള്ള ഒരു കക്ഷി സര്‍ക്കാരിനെ വിറപ്പിച്ചുവെന്ന മട്ടിലാണ് പ്രചാരണമുണ്ടായത്. 500 ലധികം കുടുംബങ്ങള്‍ നിരാലംബരും നിരാശ്രയരുമായി നില്‍ക്കുമ്പോള്‍ കേന്ദ്ര സര്‍ക്കാര്‍ യാതൊരു ഗൗരവവും കാണിക്കുന്നില്ലെന്ന് ജോസ് കെ. മാണി രാജ്യസഭയില്‍ പറഞ്ഞുവെന്നും പത്രക്കുറിപ്പിലുണ്ട്.
വയനാടിനെ കൈവിടരുത്. ആരുമില്ലാത്തവര്‍ക്ക് വേണ്ടിയാണ് താന്‍ സംസാരിക്കുന്നത്. ഒരു രാത്രി കൊണ്ട് ഒരായുസാണ് അവസാനിച്ചത്. പിഞ്ചുകുഞ്ഞുങ്ങള്‍ ഉള്‍പ്പെടെയുള്ളവര്‍ അപ്രത്യക്ഷരായി. മനസില്‍ കരുണ വറ്റാത്തവര്‍ക്കൊന്നും വയനാട്ടിലെ കാഴ്ചകള്‍ കാണാതിരിക്കാന്‍ കഴിയില്ല. കൈയും മെയ്യും മറന്ന് കേരളത്തിനൊപ്പം നില്‍ക്കേണ്ട കേന്ദ്ര സര്‍ക്കാര്‍ പുലര്‍ത്തുന്ന മൗനം കുറ്റകരമാണെന്നും ജോസ് രാജ്യസഭയില്‍ പറഞ്ഞുവെന്നുള്ള വീരവാദങ്ങളും പത്രക്കുറിപ്പിലുണ്ട്.
ദുരന്തവേളയിലും രാഷ്ട്രീയ മുതലെടുപ്പ്: രാജ്യസഭയില്‍ ജോസ് കെ മാണി ‘പൊട്ടിത്തെറിച്ചെ’ന്ന് പ്രചാരണം
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: