തിരുവനന്തപുരം: ദല്‍ഹി സിവില്‍ സര്‍വീസ് പരിശീലന കേന്ദ്രത്തിലെ ബേസ്മന്റിലുണ്ടായ വെളളക്കെട്ടിനെ തുടര്‍ന്ന് മരിച്ച നെവിന്‍ ഡാന്‍വിന്റെ മൃതദേഹം തിരുവനന്തപുരത്തെത്തിച്ചു. തിങ്കളാഴ്ച രാത്രി വൈകിയാണ് മൃതദേഹം വിമാനത്താവളത്തിലെത്തിച്ചത്.
ദല്‍ഹിയില്‍ പോസ്റ്റമോര്‍ട്ടത്തിന് ശേഷമാണ് മൃതദേഹം വിട്ടനല്‍കിയത്. വിമാനത്താവളത്തില്‍ സംസ്ഥാന സര്‍ക്കാരിനെ പ്രതിനീധീകരിച്ച് വിദ്യാഭ്യാസ മന്ത്രി വി ശിവന്‍കുട്ടി മൃതദേഹം ഏറ്റുവാങ്ങി. മൃതദേഹം സ്വകാര്യ ആശുപത്രിയിലേക്ക് മാറ്റാനാനാണ് തീരുമാനം.
തുടര്‍ന്ന് ചൊവ്വാഴ്ച രാവിലെ എട്ട് മണിയോടെ പേയാടുളള കുടുംബ വീട്ടിലെത്തിക്കും. പൊതുദര്‍ശനത്തിന് ശേഷം പത്ത് മണിയോടെ സംസ്‌കരിക്കാനാണ് തീരുമാനമെന്ന് ബന്ധുക്കള്‍ അറിയിച്ചു.
പ്രതികരിക്കാൻ ഇവിടെ എഴുതുക: