എറണാകുളം: കൊച്ചിയില് സിനിമ ചിത്രീകരണത്തിനിടെ ഉണ്ടായ വാഹനാപകടത്തില് മനുഷ്യവകാശ കമ്മിഷന് കേസ് എടുത്തു.കലാകാരന്മാര് അപകടമുണ്ടാക്കുന്നത് തെറ്റായ പ്രവണതയാണ്.അപകടം സംബന്ധിച്ച് കൊച്ചി സിറ്റി പോലീസ് കമ്മീഷണര് അന്വേഷണം നടത്തി 15 ദിവസത്തിനകം റിപ്പോര്ട്ട് സമര്പ്പിക്കണമെന്ന് കമ്മീഷന് നിര്ദേശം നല്കി.
സംഭവത്തില് കാറിന്റെ അമിത വേഗത്തിന് പൊലീസ് കേസെടുത്തു . കഴിഞ്ഞ ദിവസം പുലര്ച്ചെ ഒന്നര മണിയോടെയായിരുന്നു എം ജി റോഡില് അര്ജുന് അശോകനടക്കമുളള താരങ്ങള് സഞ്ചരിച്ച കാര് ഷൂട്ടിംഗിനിടെ തലകീഴായി മറിഞ്ഞത്.താരങ്ങളടക്കം അഞ്ചു പേര്ക്ക് പരിക്കേറ്റു.
ചെയ്സിംഗ് രംഗം ചിത്രീകരിക്കുകയായിരുന്ന കാര് അമിത വേഗത്തിലെത്തി നിയന്ത്രണം വിട്ട് തലകീഴായി മറിയുകയായിരുന്നു. സ്റ്റണ്ട് മാസ്റ്റര് ഓടിച്ച കാറില് നടന്മാരായ അര്ജുന് അശോകന്, സംഗീത് പ്രതാപ്,മാത്യു തോമസ് എന്നിവരടക്കം അഞ്ചു പേരാണുണ്ടാണ്ടായിരുന്നത്. വഴിയില് നിര്ത്തിയിരുന്ന രണ്ട് ബൈക്കുകളില് തട്ടിയ ശേഷമാണ് കാര് മറിഞ്ഞത്. ബൈക്ക് യാത്രക്കാര്ക്കടക്കം പരിക്കേറ്റെങ്കിലും ആരുടെയും പരിക്ക് ഗുരുതരമല്ല.
റോഡിലെ മറ്റ് യാത്രക്കാരുടെ ജീവന് ഭീഷണി ഉയര്ത്തുന്ന രീതിയില് വാഹനമോടിച്ചതിനാണ് സെന്ട്രല് പൊലീസ് കേസ് എടുത്തത്. ബ്രൊമാന്സ് എന്ന സിനിമയുടെ ചിത്രീകരണത്തിനിടെയായിരുന്നു അപകടം.
