ടെക്‌നോസിറ്റിയിൽ നിന്ന് പിടികൂടിയ കാട്ടുപോത്തിനെ ഉൾക്കാട്ടിൽ തുറന്ന് വിടാൻ തീരുമാനം

തിരുവനന്തപുരം: ടെക്‌നോസിറ്റി പരിസരത്തെ ജനവാസ മേഖലയിലിറങ്ങി ഭീതി പരത്തിയ കാട്ടുപോത്തിനെ മയക്കുവെടി വച്ച് പിടികൂടി. മയക്കുവെടി വച്ചതിന് പിന്നാലെ കാട്ടുപോത്ത് വിരണ്ടോടിയത് പ്രദേശത്ത് പരിഭ്രാന്തി പരത്തി. കാട്ടുപോത്തിനെ ഉൾക്കാട്ടിൽ തുറന്ന് വിടാനാണ് തീരുമാനം.

കഴിഞ്ഞ ദിവസമാണ് ടെക്‌നോസിറ്റി പരിസരത്ത് കാട്ടുപോത്ത് ഇറങ്ങിയത്. ക്യാമ്പസിന്റെ പിൻവശത്തുള്ള കാടുപിടിച്ച പറമ്പിലാണ കാട്ടുപോത്ത് എത്തിയത്. ഹോസ്റ്റലിൽ താമസിക്കുന്ന ടെക്‌നോസിറ്റിയിലെ ജീവനക്കാരാണ് കാട്ടുപോത്തിനെ കണ്ടത്. ഇന്ന് ഉച്ചയോടെ കാട്ടുപോത്തിനെ പിടികൂടുകയായിരുന്നു