പട് ന: കേന്ദ്ര ബജറ്റ് കുത്തലുണ്ടാക്കുന്നുവെന്ന് ലാലു പ്രസാദ് യാദവിന്റെ ഭാര്യ റബ്രിദേവി. ഒപ്പിടാന്‍ പോലും അറിയാത്ത റാബ്രി എങ്ങിനെയാണ് ബജറ്റ് വായിക്കുകയെന്ന് ജെഡിയു നേതാവും കേന്ദ്രമന്ത്രിയുമായ ലല്ലന്‍ സിങ്ങ്.
“റാബ്രീദേവിയുടെ നീണ്ട കയ്യൊപ്പ് കണ്ടിട്ടുണ്ടോ? അവര്‍ക്ക് മര്യാദയ്‌ക്ക് ഒപ്പിടാന്‍ പോലും അറിയില്ല. പിന്നെ എങ്ങിനെയാണ് അവര്‍ക്ക് ബജറ്റ് മനസ്സിലാവുക?”- ലല്ലന്‍ സിങ്ങ് ചോദിക്കുന്നു.
ബീഹാര്‍ മുഖ്യമന്ത്രി നിതീഷ് കുമാര്‍ ബിജെപിയ്‌ക്ക് മുന്‍പില്‍ അടിയറവ് പറയുകയാണെന്ന ലാലു പ്രസാദ് യാദവിന്റെ പ്രസ്താവനയ്‌ക്കും ലല്ലന്‍ സിങ്ങ് മറുപടി നല്‍കി. ലാലുപ്രസാദ് യാദവിന് മാത്രമേ ജയിലില്‍ അടിയറവ് പറയാന്‍ അറിയുള്ളൂ എന്നായിരുന്നു ഇതിന് ലല്ലന്‍ സിങ്ങിന്റെ മറുപടി.
പ്രതികരിക്കാൻ ഇവിടെ എഴുതുക: