ശ്രീനഗർ: കാർഗിൽ വിജയ് ദിവസിന്റെ 25-ാം വാർഷിക ദിനത്തോടനുബന്ധിച്ച് പ്രധാനമന്ത്രി നരേന്ദ്ര മോദിയുടെ ലഡാക്കിലെ ദ്രാസ് സന്ദർശനത്തിന് വേണ്ടിയുള്ള വേദി സജ്ജം. ജൂലൈ 26-നാണ് കാർഗിൽ വിജയ് ദിവസ് ആചരിക്കുന്നത്. വേദിയിലെത്തുന്ന പ്രധാനമന്ത്രി നരേന്ദ്രമോദി സംസാരിക്കും. ദ്രാസിലെ കാർഗിൽ യുദ്ധസ്മാരകത്തിന്റെ ചരിത്ര ദിനത്തിന് രാഷ്ട്രവും സൈനികരും സാക്ഷിയാകും.
വേദിയിലെത്തുന്ന പ്രധാനമന്ത്രി നരേന്ദ്രമോദി രാജ്യത്തെ അഭിസംബോധന ചെയ്യുകയും നിരവധി പദ്ധതികളുടെ ഉദ്ഘാടനം നിർവഹിക്കും. കാർഗിൽ യുദ്ധത്തിൽ രാജ്യത്തിന് വേണ്ടി ജീവൻ ത്യജിച്ച ധീര ജവാന്മാർക്ക് ശ്രദ്ധാഞ്ജലി അർപ്പിക്കും. രാജ്യത്തെ സായുധ സേനയുടെ ധീരതയുടെ ഓർമ്മപ്പെടുത്തലായി നിലകൊള്ളുന്ന യുദ്ധസ്മാരകത്തിന് മുന്നിൽ പ്രധാനമന്ത്രി സംസാരിക്കുന്നത് ചരിത്ര മുഹൂർത്തമാകും.
