ചെന്നൈ: പാന്റ്സിന്റെ പോക്കറ്റില് കിടന്ന മൊബൈല് ഫോണ് പൊട്ടിത്തെറിച്ചതോടെ നിയന്ത്രണം വിട്ട ബൈക്ക് മറിഞ്ഞ് യുവാവ് മരിച്ചു.മധുര രാമേശ്വരം ദേശീയപാതയില് യാത്ര ചെയ്യുന്നതിലൂടെയാണ് അപകടമുണ്ടായത്. വീഴ്ചയില് തലയ്ക്ക് ഗുരുതരമായി പരിക്കേറ്റ് രാമനാഥപുരം സ്വദേശി രജനിയാണ് (36 ) മരിച്ചത് . ബാങ്കില് സെക്യൂരിറ്റി ഗാര്ഡായിരുന്നു.
ഏതാനും മാസങ്ങള്ക്ക് മുന്പ് ഉത്തര്പ്രദേശിലെ കാണ്പൂരിലും സമാനമായ സംഭവം ഉണ്ടായി. പോക്കറ്റില് ഉണ്ടായിരുന്ന മൊബൈല് ഫോണ് പൊട്ടിത്തെറിച്ചതോടെ സകൂട്ടറിന്റെ നിയന്ത്രണം നഷ്ടപ്പെട്ട് യുവതി ഡിവൈഡല് തലയിടിച്ച് വീഴുകയും മരിക്കുകയുമായിരുന്നു. ഈ വര്ഷം ആദ്യം അസമില് അമര്ജ്യോതി എന്നയാള് മൊബൈല് ഫോണ് കുത്തിയിട്ടു ചാര്ജു ചെയ്യുന്നതിനിടെ സംസാരിക്കുമ്പോള് പൊട്ടിത്തെറിച്ച് മരിച്ചിരുന്നു.
ഇത്തരം സംഭവങ്ങള് കേ്രളത്തിലും ഉണ്ടായിട്ടുണ്ട്. കഴിഞ്ഞ ഏപ്രിലില് തിരുവല്ലാമലയില് എട്ടു വയസ്സുകാരി മൊബൈല് ഫോണ് പൊട്ടിത്തെറിച്ച് മരിച്ചിരുന്നു.
ഫെബ്രുവരിയില് ചാവക്കാട് സ്വദേശി കാസിമിന്റെ വീട്ടില് കട്ടിലിന് അരികി ഫോണും അടുത്തിടെ പൊട്ടിത്തെറിച്ചിരുന്നു.
