ഇടുക്കി: ചിന്നക്കനാലിൽ കാട്ടാനക്കൂട്ടത്തിന്റെ ആക്രമണത്തിൽ വനവാസി യുവാവിന് ദാരുണാന്ത്യം. ചിന്നക്കനാൽ ടാങ്ക് കുടി സ്വദേശി കണ്ണനാണ് മരിച്ചത്. ഞായറാഴ്ച വൈകിട്ട് അഞ്ചരയോടെയായിരുന്നു സംഭവം.
ചിന്നക്കനാൽ വണ്ണാത്തിപ്പാറയിലുള്ള കൃഷിയിടത്തിൽ ഇറങ്ങിയ കാട്ടാനക്കൂട്ടത്തെ തുരത്തുന്നതിനിടെയാണ് കണ്ണൻ ആനക്കൂട്ടത്തിന്റെ ഇടയിൽ അകപ്പെട്ടത്. ഒമ്പത് പിടിയാനകൾ ഉൾപ്പെട്ട കാട്ടാനക്കൂട്ടമാണ് കണ്ണനെ ആക്രമിച്ചത്.
