പാലക്കാട്: ഗായത്രി പുഴയില്‍ കുളിക്കാനിറങ്ങിയ വിദ്യാര്‍ത്ഥി ഒഴുക്കില്‍പ്പെട്ടു.തരൂര്‍ തമ്പ്രാന്‍കെട്ടിയ കടവിലാണ് സംഭവം.
പുഴയില്‍ കുളിക്കാനിറങ്ങിയവരില്‍ ഒരാളാണ് ഒഴുക്കില്‍പ്പെട്ടത്. ചിറ്റൂര്‍ ആലംകടവ് നരണിയില്‍ ശശിയുടെ മകന്‍ ഷിബില്‍(16)ആണ് ഒഴുക്കില്‍പ്പെട്ടത്.
തരൂര്‍ ചേലക്കാട് കുന്നില്‍ അമ്മയുടെ വീട്ടില്‍ വിരുന്നിന് വന്നതായിരുന്നു വിദ്യാര്‍ത്ഥി.ആലത്തൂര്‍ അഗ്‌നിരക്ഷാസേനയും സ്‌കൂബ സംഘവും തരൂര്‍ കുരുത്തിക്കോട് പാലത്തിന് സമീപം തിരച്ചില്‍ നടത്തുന്നു. അലത്തൂര്‍ എംഐടിസിയില്‍ ഒന്നാം വര്‍ഷ വിദ്യാര്‍ത്ഥിയാണ്.
പ്രതികരിക്കാൻ ഇവിടെ എഴുതുക: