തിരുവനന്തപുരം: കാട്ടാക്കടയില്‍ സ്ത്രീയും പുരുഷനും ദുരൂഹസാഹചര്യത്തില്‍ മരിച്ച നിലയില്‍. കാട്ടാക്കട കുരുതംകോട് പാലയ്‌ക്കല്‍ ഞാറവിള വീട്ടില്‍ പ്രമോദ് (35), സുഹൃത്ത് പാലയ്‌ക്കല്‍ വെട്ടുവിള വീട്ടില്‍ റീജ (45) എന്നിവരെയാണ് മരിച്ച നിലയില്‍ കണ്ടെത്തിയത്.
പ്രമോദ് താമസിക്കുന്ന വീട്ടിലാണ് മൃതദേഹങ്ങ ള്‍ കണ്ടെത്തിയത്. റീജ കൈയിലും കഴുത്തിലും മുറിവേറ്റ് കട്ടിലില്‍ മരിച്ചുകിടക്കുന്ന നിലയിലായിരുന്നു.പ്രമോദ് തൂങ്ങിമരിച്ച നിലയിലും. റീജയെ കൊലപ്പെടുത്തിയ ശേഷം പ്രമോദ് ആത്മഹത്യ ചെയ്‌തെന്നാണ് പ്രാഥമിക നിഗമനം.
പ്രമോദ് കൂലിപ്പണിക്കാരനാണ്. കളക്ഷന്‍ ഏജന്റായി പ്രവര്‍ത്തിച്ചു വരികയാണ് റീജ. റീജയ്‌ക്ക് രണ്ടു മക്കളുണ്ട്. റീജയെ കാണാനില്ലെന്നു കാട്ടാക്കട പൊലീസ് സ്റ്റേഷനില്‍ മക്കള്‍ പരാതി നല്‍കിയിരുന്നു.
തുടര്‍ന്ന് പൊലീസ് നടത്തിയ പരിശോധനയിലാണ് ഇരുവരെയും മരിച്ചനിലയില്‍ കണ്ടെത്തിയത്. ഭര്‍ത്താവ് ഉപേക്ഷിച്ച ശേഷം റീജ, പ്രമോദിന്റെ വീട്ടില്‍ സ്ഥിരമായി എത്താറുണ്ടെന്ന് നാട്ടുകാര്‍ മൊഴി നല്‍കി.
പ്രതികരിക്കാൻ ഇവിടെ എഴുതുക: