തിരുവനന്തപുരം : കേന്ദ്ര യുവജനകാര്യ കായിക മന്ത്രാലയത്തിന് കീഴിലുള്ള നെഹ്റു യുവ കേന്ദ്ര സംഘാതന് സംഘടിപ്പിക്കുന്ന മന് കി ബാത്ത് ക്വിസ് മൂന്നാം സീസണിന്റെ താലൂക്ക് തല മത്സരങ്ങളുടെ ഉദ്ഘാടനം കേന്ദ്ര ന്യൂനപക്ഷകാര്യ, ഫിഷറീസ് സഹമന്ത്രി ജോര്ജ്ജ് കുര്യന് നിര്വഹിക്കും. 21 ന് രാവിലെ 9.30 ന് തിരുവനന്തപുരത്തെ കുന്നുംപുറം ചിന്മയ വിദ്യാലയത്തില് നടക്കുന്ന പരിപാടിയില് മുന് കേന്ദ്ര വിദേശകാര്യ,പാര്ലമെന്ററികാര്യ സഹമന്ത്രി വി. മുരളീധരന് അധ്യക്ഷത വഹിക്കും. വഞ്ചിയൂര് കൗണ്സിലര് ഗായത്രി ബാബു , നെഹ്റു യുവ കേന്ദ്ര കേരള സ്റ്റേറ്റ് ഡയറക്ടര് എം. അനില് കുമാര്, ചിന്മയ സേവാ ട്രസ്റ്റ് പ്രതിനിധി ആര്.സുരേഷ് മോഹന് , ഗ്ലോബല് ഗിവേഴ്സ് ഫൗണ്ടേഷന് ഡയറക്ടര് ഡോ. എ രാധാകൃഷ്ണന് നായര്, ചിന്മയ വിദ്യാലയ പ്രിന്സിപ്പാള് ബീന എന് ആര്, നെഹ്റു യുവ കേന്ദ്ര തിരുവനന്തപുരം ജില്ലാ യൂത്ത് ഓഫീസര് സന്ദീപ് കൃഷ്ണന് തുടങ്ങിയവര് പങ്കെടുക്കും. ഗ്ലോബല് ഗിവേഴ്സ് ഫൗണ്ടേഷനുമായി സഹകരിച്ചാണ് പരിപാടി സംഘടിപ്പിക്കുന്നത്.
