ന്യൂദല്‍ഹി: പാരിസ് ഒളിംപിക്‌സില്‍ പങ്കെടുക്കാനുള്ള ഭാരത താരങ്ങളുടെ സമ്പൂര്‍ണ പട്ടിക തയ്യാറായി. ആകെ 117 താരങ്ങളാണ് പങ്കെടുക്കുക. ടോക്കിയൊ ഒളിംപിക്‌സിലൂടെ ഭാരതത്തിന് ചരിത്ര സ്വര്‍ണം സമ്മാനിച്ച ജാവലിന്‍ ത്രോ താരം നീരജ് ചോപ്ര, രണ്ട് തവണ ബാഡ്മിന്റണ്‍ കോര്‍ട്ടില്‍ നിന്നും മെഡല്‍ നേടിയ പി.വി. സിന്ധു തുടങ്ങിയ താരങ്ങള്‍ ഉള്‍പ്പെടുന്നു. മലയാളി താരങ്ങളായ മുഹമ്മദ് അനസ്, മുഹമ്മദ് അജ്മല്‍, അമോജ് ജേക്കബ് എന്നിവരും റിലേ ടീമില്‍ ഉള്‍പ്പെടുന്നു.
അത്‌ലറ്റിക്‌സില്‍ 29 താരങ്ങളാണ് പാരിസില്‍ ഭാരതത്തെ പ്രതിനിധാനം ചെയ്യുക. ഇതില്‍ 11 വനിതാ താരങ്ങളും 18 പുരുഷ താരങ്ങളും ഉള്‍പ്പെടുന്നു. ബാക്കിയുള്ള 86 പേരും സ്‌പോര്‍ട്‌സ് ഇനങ്ങളിലാണ് മത്സരിക്കുന്നത്.
ഷൂട്ടിങ്ങില്‍ പുരുഷ വനിതാ വിഭാഗങ്ങളിലായി 21 താരങ്ങള്‍. ഹോക്കിയില്‍ 19 പേര്‍. ബാഡ്മിന്റണില്‍ സിന്ധുവും പ്രണോയിയും അടക്കം ഏഴ് പേര്‍ മത്സരിക്കും. ടേബിള്‍ ടെന്നിസില്‍ എട്ട് പേരാണ് പങ്കെടുക്കുക.
മറ്റ് ഇനങ്ങളും താരങ്ങളുടെ എണ്ണവും- ഗുസ്തി(ആറ്), അമ്പെയ്‌ത്ത്(ആറ്), ബോക്‌സിങ്(ആറ്), ഗോള്‍ഫ്(നാല്), ടെന്നിസ്(മൂന്ന്), നീന്തല്‍(രണ്ട്), സെയിലിങ്(രണ്ട്), ഇക്വെസ്റ്റ്രിയന്‍, ജൂഡോ, റോവിങ്, ഭാരദ്വഹനം എന്നിവയില്‍ ഓരോ താരങ്ങളാണ് പങ്കെടുക്കുക.
പ്രതികരിക്കാൻ ഇവിടെ എഴുതുക: