റിക്രൂട്ട്‌മെന്റ് വിജ്ഞാപനം www.sail.co.in, www.sailcareers.com ല്‍
അവസരം 65% മാര്‍ക്കില്‍ കുറയാത്ത ബിഇ/ബിടെക് ബിരുദക്കാര്‍ക്ക്, പ്രായപരിധി 28 വയസ്സ്.
സെലക്ഷന്‍ ‘ഗേറ്റ് 2024’ സ്‌കോര്‍ അടിസ്ഥാനത്തില്‍ ഗ്രൂപ്പ് ചര്‍ച്ചയും ഇന്റര്‍വ്യൂവും നടത്തി.
ജൂലൈ 25 വരെ ഓണ്‍ലൈനായി അപേക്ഷിക്കാം.
കേന്ദ്ര പൊതുമേഖലാ സ്ഥാപനമായ സ്റ്റീല്‍ അതോറിട്ടി ഓഫ് ഇന്ത്യ ലിമിറ്റഡ് (സെയില്‍) മാനേജ്‌മെന്റ് ട്രെയിനികളെ (ടെക്‌നിക്കല്‍) തെരഞ്ഞെടുക്കുന്നു. വിവിധ എന്‍ജിനീയറിങ് ഡിസിപ്ലിനുകളിലായി 249 ഒഴിവുകളുണ്ട്. (കെമിക്കല്‍-10, സിവില്‍-21, കമ്പ്യൂട്ടര്‍-9, ഇലക്ട്രിക്കല്‍-61, ഇലക്ട്രോണിക്‌സ്-5, ഇന്‍സ്ട്രുമെന്റേഷന്‍-11, മെക്കാനിക്കല്‍-69, മെറ്റലര്‍ജി-63). ഗേറ്റ്-2024 സ്‌കോര്‍ അടിസ്ഥാനത്തില്‍ ഷോര്‍ട്ട് ലിസ്റ്റ് ചെയ്ത് ഗ്രൂപ്പ് ചര്‍ച്ചയും വ്യക്തിഗത അഭിമുഖവും നടത്തിയാണ് സെലക്ഷന്‍. വിശദവിവരങ്ങളടങ്ങിയ റിക്രൂട്ട്‌മെന്റ് വിജ്ഞാപനം www.sail.co.in, www.sailcareers.com എന്നീ വെബ്‌സൈറ്റുകളില്‍ നിന്ന് ഡൗണ്‍ലോഡ് ചെയ്യാം.
യോഗ്യത: ബന്ധപ്പെട്ട ഡിസിപ്ലിനില്‍ 65 ശതമാനം മാര്‍ക്കില്‍ കുറയാതെ ബിഇ/ബിടെക് ബിരുദം. എസ്‌സി/എസ്ടി/പിഡബ്ല്യുബിഡി വിഭാഗങ്ങളില്‍പ്പെടുന്നവര്‍ക്ക് 55 ശതമാനം മാര്‍ക്ക് മതി. മെഡിക്കല്‍, ഫിസിക്കല്‍ ഫിറ്റ്‌നസുണ്ടായിരിക്കണം.
പ്രായപരിധി 25.7.2024 ല്‍ 28 വയസ്. 1996 ജൂലൈ 25 ന് മുമ്പ് ജനിച്ചവരാകരുത്. പട്ടികജാതി/വര്‍ഗ്ഗക്കാര്‍ക്ക് 5 വര്‍ഷവും ഒബിസി നോണ്‍ ക്രീമിലെയര്‍ വിഭാഗത്തിന് 3 വര്‍ഷവും ഡിപ്പാര്‍ട്ടുമെന്റ് ജീവനക്കാര്‍ക്ക് 45 വയസുവരെയും പ്രായപരിധിയില്‍ ഇളവുണ്ട്. ഊര്‍ജസ്വലരായ യുവ പ്രൊഫഷണലുകള്‍ക്കാണ് അവസരം. ഭാരത പൗരന്മാരായിരിക്കണം.
അപേക്ഷാ ഫീസ് 700 രൂപ. എസ്‌സി/എസ്ടി/പിഡബ്ല്യുബിഡി വിഭാഗങ്ങളില്‍പ്പെടുന്നവര്‍ക്കും ഡിപ്പാര്‍ട്ടുമെന്റല്‍ ജീവനക്കാര്‍ക്കും 200 രൂപ മതി. നെറ്റ് ബാങ്കിങ്/ക്രഡിറ്റ്, എടിഎം-കം-ഡബിറ്റ് കാര്‍ഡ് മുഖാന്തിരം ഫീസ് അടയ്‌ക്കാം. ഗേറ്റ്-2024 രജിസ്‌ട്രേഷന്‍ നമ്പര്‍ സഹിതം നിര്‍ദ്ദേശാനുസരണം ഓണ്‍ലൈനായി ജൂലൈ 25 വരെ രജിസ്റ്റര്‍ ചെയ്യാം. രജിസ്‌ട്രേഷന്‍ നമ്പരോടുകൂടിയ അപേക്ഷ ഡൗണ്‍ലോഡ് ചെയ്ത് എടുക്കാം.
മാനേജ്‌മെന്റ് ട്രെയിനി (ടെക്‌നിക്കല്‍) ആയി തെരഞ്ഞെടുക്കപ്പെട്ടവര്‍ക്ക് ഒരുവര്‍ഷത്തെ പരിശീലനം നല്‍കും. പരിശീലനകാലം പ്രതിമാസം 50,000 രൂപ ലഭിക്കും. പരിശീലനം പൂ
ര്‍ത്തിയാക്കുന്നവരെ 60,000-180000 രൂപ ശമ്പള നിരക്കില്‍ അസിസ്റ്റന്റ് മാനേജരായി നിയമിക്കുന്നതാണ്. ഡിഎ, എച്ച്ആര്‍എ, പിഎഫ്, ഗ്രാറ്റുവിറ്റി ഉള്‍പ്പെടെയുള്ള ആനുകൂല്യങ്ങളും ലഭിക്കും.
പ്രതികരിക്കാൻ ഇവിടെ എഴുതുക: