മുംബൈ: ഓസ്‌ട്രേലിയന്‍ പര്യടനത്തിനുള്ള ഭാരത വനിതാ എ ടിമിനെ മലയാളി താരം മിന്നുമണി നയിക്കും. ഇന്നലെയാണ് ഓസ്‌ട്രേലിയന്‍ പര്യടനത്തിനുള്ള ഭാരത വനിതാ എ ടീമിന്റെ 18 അംഗ സംഘത്തെ പ്രഖ്യാപിച്ചത്.
മൂന്ന് വിതം ട്വന്റി20, ഏകദിന മത്സരങ്ങളും ഒരു ചതുര്‍ദിന ടെസ്റ്റും ആണ് ഓസ്‌ട്രേലിയന്‍ പര്യടനത്തില്‍ മിന്നുവിനും സംഘത്തിനും കളിക്കേണ്ടത്. അടുത്ത മാസം ഏഴിന് ബ്രിസ്‌ബേനിലാണ് ട്വന്റി20 ക്രിക്കറ്റ് മത്സരങ്ങള്‍ ആരംഭിക്കുക. ആഗസ്ത് 14 മുതല്‍ മക്കേ സ്‌റ്റേഡിയത്തിലാണ് ഏകദിന മത്സരങ്ങള്‍. ചതുര്‍ദിന മത്സരം ഗോള്‍ഡ് കോസ്റ്റ് സ്‌റ്റേഡിയത്തിലും നടക്കും. മിന്നു മണി നയിക്കുന്ന ടീമിന്റെ വൈസ് ക്യാപ്റ്റന്‍ ശ്വേത സെഹ്രാവത്ത് ആണ്.
ടീം: മിന്നു മണി(ക്യാപ്റ്റന്‍), ശ്വേത സെഹ്രാവത്ത്(വൈസ് ക്യാപ്റ്റന്‍), പ്രിയ പൂനിയ, ശുഭ സതീഷ്, തേജല്‍ ഹസാബ്‌നിസ്, കിരണ്‍ നാവ്ഗിരെ, സജന സജീവന്‍, ഉമ ചേത്രി(വിക്കറ്റ് കീപ്പര്‍), ഷിപ്ര ഗിരി(വിക്കറ്റ് കീപ്പര്‍), രാഘവി ബിഷ്ട്, സയിക ഇഷാഖ്, മന്നറ്റ് കശ്യപ്, തനൂജ കന്‍വര്‍, പ്രിയ മിശ്ര, മേഘ്‌ന സിങ്, സയാലി സത്ഘരെ, ഷബ്‌നം ഷക്കീല്‍(ഫിറ്റ്‌നെസ് വീണ്ടെടുത്താല്‍), എസ്. യശസ്രീ.
സൈമ ഥാകോര്‍ സ്റ്റാന്‍ഡ് ബൈ പ്ലേയര്‍ ആയിരിക്കും.
പ്രതികരിക്കാൻ ഇവിടെ എഴുതുക: