തിരുവനന്തപുരം: തമ്പാനൂര്‍ റെയില്‍വേ സ്റ്റേഷന് സമീപം ആമയിഴഞ്ചാന്‍ തോട്ടിലെ മാലിന്യം നീക്കാന്‍ ശ്രമിക്കെ കാണാതായ മാരായമുട്ടം സ്വദേശി ജോയിക്കായി തെരച്ചില്‍ ഊര്‍ജിതമായി പുരോഗമിക്കുന്നു. റെയില്‍ വേ പാളത്തിനടിയിലൂടെ പോകുന്ന തോട്ടില്‍ നിന്നും മനുഷ്യശരീരത്തിന്റെതെന്ന് കരുതുന്ന ദൃശ്യം റോബോട്ടിക് യന്ത്രത്തിന്റെ ക്യാമറയില്‍ പതിഞ്ഞെന്ന് വാര്‍ത്ത വന്നെങ്കിലും ഇത് മാലിന്യമാണെന്ന് പിന്നീട് സ്ഥിരീകരിച്ചു.
നിലവില്‍ ഒന്നും കണ്ടെത്തിയില്ല. കൂടുതല്‍ പരിശോധന നടത്തുകയാണ്. റെയില്‍ പാളത്തിനടിയിലൂടെ ഒഴുകുന്ന തോട്ടില്‍ നിറയെ മാലിന്യമാണ്. ലോഡ് കണക്കിന് മാലിന്യങ്ങള്‍ ഇതിനകം നീക്കി. അഗ്നിശമന സേനയുടെ സ്‌കൂബ സംഘം മാന്‍ഹോളില്‍ ഇറങ്ങി പരിശോധന നടത്തുന്നുണ്ട്.ദേശീയ ദുരന്ത പ്രതികരണ സേനയും എത്തിയിട്ടുണ്ട്.
തോട്ടില്‍ കാണാതായ ശുചീകരണ തൊഴിലാളിയായ ജോയിയെ കണ്ടെത്താനുള്ള തെരച്ചില്‍ 30 മണിക്കൂര്‍ പിന്നിട്ടു.
പ്രതികരിക്കാൻ ഇവിടെ എഴുതുക: