മലപ്പുറം: കൊലക്കേസ് പ്രതിയെയും സുഹൃത്തിനെയും എംഡിഎംഎയുമായി അറസ്റ്റ് ചെയ്തു. മഞ്ചേരി നഗരസഭാംഗമായിരുന്ന തലാപ്പില് അബ്ദുല് ജലീലിനെ കൊലപ്പെടുത്തിയ കേസിലെ രണ്ടാം പ്രതി മഞ്ചേരി വള്ളുവങ്ങാട് കറുത്തേടത്തു വീട്ടില് ഷംസീറിനെയും കോഴിക്കോട് പൊക്കുന്ന് മീന്പാലോടി നിലംപറമ്പ് വീട്ടില് ഷംനാദിനെയുമാണ് അറസ്റ്റ് ചെയ്തത്.
പിടിയിലായവരില് നിന്ന് 36 ഗ്രാം എം.ഡി.എം.എ.യും 1.2 ലക്ഷം രൂപയും ഇലക്ട്രോണിക് ത്രാസുകളും പിടിച്ചെടുത്തു. ലഹരിക്കടത്തിന് ഉപയോഗിച്ച കാറും പിടികൂടി.
കച്ചേരിപ്പടിയില് വച്ചാണ് പ്രതികളെ അറസ്റ്റ് ചെയ്തത്.പൊലീസിനെ കണ്ടതോടെ ഇരുവരും ഓടി രക്ഷപ്പെടാന് ശ്രമിച്ചെങ്കിലും പിന്തുടര്ന്ന് പിടികൂടി.
കൊലക്കേസില് ജാമ്യത്തിലിറങ്ങിയശേഷം ഷംസീര് ലഹരിക്കടത്ത് സംഘത്തില് പ്രവര്ത്തിച്ചുവരികയാണെന്ന് പൊലീസ് പറഞ്ഞു. പ്രതികളെ മഞ്ചേരി കോടതിയില് ഹാജരാക്കി റിമാന്ഡ് ചെയ്തു.
