ഓം ഭൂര്‍ഭുവ: സ്വ:
തത് സവിതുര്‍വരേണ്യം
ഭര്‍ഗോ ദേവസ്യ ധീമഹി
ധിയോ യോ ന: പ്രചോദയാത്
ഇതാണ് ഗായത്രീ മന്ത്രം. മന്ത്രരാജന്‍ ആണ് ഗായത്രി എന്നാണ്. അതായത് ഫലസിദ്ധിയിലും മന്ത്രശക്തിയിലും ഇതിനുമേല്‍ മറ്റൊരു മന്ത്രവുമില്ലതന്നെ. ഗായത്രിയുടെ പദാനുപദാര്‍ത്ഥം നോക്കാം.
ഓം – ബ്രഹ്മത്തെ സൂചിത പുണ്യശബ്ദം, ഭൂ – ഭൂമി, ഭുവ് – അന്തരീക്ഷം, സ്വ – സ്വര്‍ഗം.
തത് – ആ, സവിതുര്‍ – ചൈതന്യം, വരേണ്യം – ശ്രേഷ്ഠമായ, ഭര്‍ഗസ് – ഊര്‍ജപ്രവാഹം, ദേവസ്യ – ദൈവികമായ, ധീമഹി – ഞങ്ങള്‍ ധ്യാനിക്കുന്നു.
ധിയോ യോ ന – ബുദ്ധിയെ, പ്രചോദയാത് – പ്രചോദിപ്പിക്കട്ടെ.
ഭൂ:(ഭൂമി) ചരങ്ങളും അചരങ്ങളുമായ എല്ലാ ഭൂതങ്ങളും ഉള്ളതിനാനാലാണ് ഭൂമിക്ക് ഈ പേരു സിദ്ധിച്ചത്.
ഭുവ: (അന്തരീക്ഷം) സകല ചരാചര ജഗദ്ധാരകനായ വായു എന്ന വിശേഷാര്‍ത്ഥവുമുണ്ട് ഈ പദത്തിന്.
സ്വ: (സ്വര്‍ഗം) സുഷ്ഠു അവതി അഥവാ സദ്പൂര്‍ണതയെ പ്രാപിക്കുന്നതാണ് സ്വര്‍ഗം.
സവിതു: (സവിതാവിന്റെ) ചൈതന്യം ചൊരിയുന്നവന്‍ ആണ് സവിതാവ്. സൂര്യന്റെ പര്യായമാണിത്.
വരേണ്യം എന്നാല്‍ പ്രാര്‍ഥിക്കപ്പെടുവാന്‍ യോഗ്യമായത് എന്നര്‍ത്ഥം.
ഭര്‍ഗ: എന്നാല്‍ സമസ്തലോകങ്ങളേയും പ്രകാശിപ്പിക്കുന്ന തേജസ്.
ദേവസ്യ എന്നാല്‍ ദേവന്റെ എന്നര്‍ഥം. ദീവ്യതി ഇതി ദേവ എന്നാണ്. സ്വയം പ്രകാശിക്കുന്നത്, പ്രഭ ചൊരിയുന്നത് എന്നൊക്കെയാണ് ദേവ പദത്തിന്റെ് അര്‍ഥം. അതിനാല്‍ പ്രകാശസ്വരൂപന്റെ(ഈശ്വരന്റെ) എന്ന അര്‍ഥം ദേവസ്യ പദത്തിന് സിദ്ധിക്കുന്നു.
ധീമഹി എന്നാല്‍ ഞങ്ങള്‍ ധ്യാനിക്കുന്നു എന്നര്‍ത്ഥം.
ധിയ: എന്നത് ദ്വിതീയ ബഹുവചനമാണ്. അതിനാല്‍ ബുദ്ധിയേയും അതിന്റെ വൃത്തികളേയും കുറിക്കുന്നു.
യ: ഈ സംബന്ധ സര്‍വനാമം ഒരു വൈദിക പ്രയോഗമാണ്. പുല്ലിംഗമായോ നപുംസകലിംഗമായോ അര്‍ഥം പറയാം. ഇവിടെ യ: എന്നത് ഉപയോഗിച്ചിരിക്കുന്നത് ഭര്‍ഗപദത്തിന്റെ വിശേഷണമായാണ്.
ന: എന്നാല്‍ ഞങ്ങളുടെ, നമ്മളുടെ എന്നെല്ലാം അര്‍ഥം.
പ്രചോദയാത് എന്നാല്‍ പ്രചോദിപ്പിക്കട്ടെ എന്നര്‍ഥം.
ഫലസിദ്ധി
ഗായത്രീ മന്ത്രത്തിന്റെ നിഷ്‌കാമ്യ ജപം എല്ലാ സിദ്ധികളും മോക്ഷവും നല്‍കുന്നു. 1008 ചുവന്നപൂക്കളാല്‍ ഗായത്രി ഹോമം ചെയ്താല്‍ രാജകീയ പദവി തേടിയെത്തുമാണ്. ഗായത്രീമന്ത്രം 1008 ഉരു ഒഴുക്കുള്ള നദിയില്‍ നിന്ന് ജപിച്ചാല്‍ സര്‍വ്വ പാപങ്ങളും തീരും.
ദൈനംദിനം 1008 തവണ വീതം ഒരു വര്‍ഷം ജപിച്ചാല്‍ ത്രികാലജ്ഞാനം സിദ്ധിക്കുമെന്നാണ്. രണ്ട് വര്‍ഷം ജപിച്ചാല്‍ അഷ്ടസിദ്ധികളും മൂന്ന് വര്‍ഷം ജപിച്ചാല്‍ പരകായപ്രവേശ സിദ്ധിയും നാല് വര്‍ഷം ജപിച്ചാല്‍ ദേവജന്മവും ലഭിക്കുമെന്നാണ്.
അഞ്ച് വര്‍ഷം ഗായത്രി മുടങ്ങാതെ ജപിച്ചക്കുന്നവന് ഇന്ദ്രത്വവും ആറുവര്‍ഷം ജപിച്ചക്കുന്നവന് ബ്രഹ്മലോകവാസവും ലഭിക്കും. ഏഴുവര്‍ഷം ജപിച്ചാല്‍ സൂര്യമണ്ഡലത്തില്‍ ഗായത്രി ദേവിയ്‌ക്കൊപ്പം എത്തുമെന്നാണ് വിശ്വാസം. ഗണപതി, പാര്‍വതി, സൂര്യന്‍, ശിവന്‍ തുടങ്ങി ഒട്ടു മിക്ക ദേവതകള്‍ക്കും അവരുടേതായ ഗായത്രീമന്ത്രങ്ങള്‍ പ്രത്യേകമുണ്ട്.
ജന്മഭൂമി ഓണ്‍ലൈന്‍
പ്രതികരിക്കാൻ ഇവിടെ എഴുതുക: