ചെന്നൈ: ഊട്ടി, കൊടൈക്കനാല് യാത്രയ്ക്ക് ഏര്പ്പെടുത്തിയ ഇ പാസ് സംവിധാനം സപ്തംബര് 30 വരെ നീട്ടി.
മെയ് 7നാണ് ഊട്ടിയിലും കൊടൈക്കനാലിലും പ്രവേശിക്കാന് ടൂറിസ്റ്റുകള്ക്ക് ഇ പാസ് ഏര്പ്പെടുത്തിയത്. ഇന്നലെ ഇതിന്റെ കാലാവധി അവസാനിച്ചിരുന്നു. തുടര്ന്നാണ് നിയന്ത്രണം നീട്ടിക്കൊണ്ട് മദ്രാസ് ഹൈക്കോടതി ഉത്തരവിറക്കിയത്.
എത്ര വാഹനങ്ങള് വരെ ഒരു ദിവസം കടത്തിവിടാം എന്നതിനെ കുറിച്ച് പഠിക്കാന് ബെംഗളൂരു ഐഐഎം, ചെന്നൈ ഐഐടി എന്നിവയെ ഏല്പ്പിച്ചിട്ടുണ്ടെന്ന് സര്ക്കാര് കോടതിയെ അറിയിച്ചു. ഓഫ് സീസണില് എത്ര സഞ്ചാരികള് എത്തുന്നു എന്ന കണക്ക് ലഭിക്കാനാണ് ഇത്. ഈ വിവരങ്ങള് ഒരു ദിവസം പരമാവധി എത്ര വാഹനങ്ങളെ ഉള്ക്കൊള്ളാന് ഈ മലയോര മേഖലയ്ക്ക് കഴിയുമെന്ന് കണ്ടെത്താന് സഹായകരമാകുമെന്ന് കോടതി നിരീക്ഷിച്ചു.
പ്രതികരിക്കാൻ ഇവിടെ എഴുതുക: