പ്രവാസികളുടെ പ്രത്യേക ശ്രദ്ധയ്‌ക്ക് ; കുട്ടികൾക്കായി സമ്മർ ക്യാമ്പുകൾ ഒരുങ്ങി , അവധിക്കാലത്ത് കുരുന്നുകളുടെ കഴിവുകൾ കണ്ടെത്താം

ദുബായ് : ജൂലൈ, ഓഗസ്റ്റ് മാസങ്ങളിൽ കുട്ടികൾക്കായി സമ്മർ ക്യാമ്പുകൾ സംഘടിപ്പിക്കുമെന്ന് ദുബായ് കൾച്ചർ അറിയിച്ചു. ദുബായ് മീഡിയ ഓഫീസ് ഇക്കാര്യം അറിയിച്ചത്.

കുട്ടികളുടെ കഴിവുകൾ കണ്ടെത്തുന്നതിനും, അവരുടെ സർഗ്ഗശക്തി പ്രോത്സാഹിപ്പിക്കുന്നതിനും ലക്ഷ്യമിട്ടുള്ള വിവിധ ക്യാമ്പുകളാണ് വിവിധ ഇടങ്ങളിലായി ദുബായ് കൾച്ചർ സംഘടിപ്പിക്കുന്നത്. എല്ലാ ക്യാമ്പുകളും അറബ്, ഇംഗ്ളീഷ് എന്നീ ഭാഷകളിലായിരിക്കും.

ദുബായ് കൾച്ചർ നടത്തുന്ന സമ്മർ ക്യാമ്പുകൾ:

അൽ ഷിന്ദഗ മ്യൂസിയം സമ്മർ ക്യാമ്പ് – ജൂലൈ 15 മുതൽ 19 വരെ (ആദ്യ ആഴ്ച), ജൂലൈ 22 മുതൽ 26 വരെ (രണ്ടാമത്തെ ആഴ്ച).

അൽ ഫഹിദി ഹിസ്റ്റോറിക്കൽ നൈബർഹുഡ് സമ്മർ ക്യാമ്പ് – ജൂലൈ 15 മുതൽ 19 വരെ (ആദ്യ ആഴ്ച), ജൂലൈ 22 മുതൽ 26 വരെ (രണ്ടാമത്തെ ആഴ്ച).

ഇത്തിഹാദ് മ്യൂസിയം സമ്മർ ക്യാമ്പ് – ജൂലൈ 15 മുതൽ 19 വരെ (ആദ്യ ആഴ്ച), ജൂലൈ 22 മുതൽ 26 വരെ (രണ്ടാമത്തെ ആഴ്ച).

ദുബായ് പബ്ലിക് ലൈബ്രറീസ് സമ്മർ ക്യാമ്പ് – ജൂലൈ 15 മുതൽ 26 വരെ (ആദ്യ ഭാഗം), ഓഗസ്റ്റ് 5 മുതൽ 16 വരെ (രണ്ടാമത്തെ ഭാഗം).

അൽ ജലീല കൾച്ചറൽ സെൻറർ ഫോർ ചിൽഡ്രൻ സമ്മർ ക്യാമ്പ് – ജൂലൈ 8 മുതൽ 19 വരെ (ആദ്യ ഭാഗം), ഓഗസ്റ്റ് 5 മുതൽ 16 വരെ (രണ്ടാമത്തെ ഭാഗം).