ന്യൂജേഴ്‌സി: കോപ്പ അമേരിക്ക ഗ്രൂപ്പ് സി മത്സരത്തില്‍ തകര്‍പ്പന്‍ ജയവുമായി മുന്‍ ജേതാക്കളായ ഉറുഗ്വായ്. ഇന്നലെ നടന്ന രണ്ടാം മത്സരത്തില്‍ ബൊളീവിയയെ എതിരില്ലാത്ത അഞ്ച് ഗോളുകള്‍ക്കാണ് ഉറുഗ്വായ് തകര്‍ത്ത്.
മത്സരത്തിന്റെ എട്ടാം മിനിറ്റ് മുതല്‍ സ്‌കോര്‍ ചെയ്യാന്‍ തുടങ്ങിയ ഉറുഗ്വായ് ആദ്യ പകുതിയില്‍ രണ്ട് ഗോളുകള്‍ക്ക് ലീഡ് ചെയ്തു. രണ്ടാം പകുതിയില്‍ മൂന്ന് ഗോളുകള്‍ കൂടി നേടി. എട്ടാം മിനിറ്റില്‍ ഫകുന്‍ഡോ പെല്ലിസ്ട്രി ആണ് ആദ്യ ഗോള്‍ നേടിയത്. സൂപ്പര്‍ താരം ഡാര്‍വിന്‍ ന്യൂനസിന്റെ വകയായിരുന്നു 21-ാം മിനിറ്റിലെ രണ്ടാം ഗോള്‍.
പിന്നീട് 77-ാം മിനിറ്റിലാണ് ഉറുഗ്വായ് അടുത്ത ഗോള്‍ നേടിയത്. മാക്‌സിമില്ലിയാനോ അരൂജോ ആണ് സ്‌കോര്‍ ചെയ്തത്. നാല് മിനിറ്റിനകം ഫെഡറിക്കോ വാല്‍വെര്‍ദെയും ഗോളടിച്ചു. ഒടുവില്‍ 89-ാം മിനിറ്റില്‍ റോഡ്രിഗോ ബെന്റാന്‍കുര്‍ ക്വാട്ട പൂര്‍ത്തിയാക്കി. രണ്ട് ജയത്തോടെ ഉറുഗ്വായ് ആറ് പോയിന്റുമായി പ്രീക്വാര്‍ട്ടറില്‍ പ്രവേശിച്ചു.
ഗ്രൂപ്പ് സിയില്‍ ഇന്നലെ നടന്ന മറ്റൊരു മത്സരത്തില്‍ പനാമ അമേരിക്കയെ തോല്‍പ്പിച്ചു. ജയിച്ചെങ്കിലും പനാമ അമേരിക്കയ്‌ക്ക് പിന്നില്‍ മൂന്നാം സ്ഥാനത്താണ്.
പ്രതികരിക്കാൻ ഇവിടെ എഴുതുക: