തൃശ്ശൂര്‍: കേന്ദ്രമന്ത്രി സുരേഷ്‌ഗോപിയുടെ വീഡിയോ എഡിറ്റ് ചെയ്ത് അശ്ലീല വാക്ക് ചേര്‍ത്ത് സോഷ്യല്‍ മീഡിയയിലൂടെ പ്രചരിപ്പിച്ചയാളെ അറസ്റ്റ് ചെയ്തു. ആം ആദ്മി പാര്‍ട്ടി പ്രവര്‍ത്തകന്‍ ശ്യാം കാട്ടൂരാണ് ചേര്‍പ്പ് പോലീസിന്റെ പിടിയിലായത്.
ബിജെപി തൃശ്ശൂര്‍ ജില്ലാ ജനറല്‍ സെക്രട്ടറി അഡ്വ. കെ.ആര്‍. ഹരിയും കേന്ദ്രമന്ത്രിയും തമ്മിലുള്ള സംഭാഷണമാണ് എഡിറ്റ് ചെയ്ത് അശ്ലീല വീഡിയോ നിര്‍മിച്ച് സോഷ്യല്‍ മീഡിയ വഴി പ്രചരിപ്പിച്ചത്.
സുരേഷ് ഗോപി തെരഞ്ഞെടുപ്പില്‍ വിജയിച്ചതിനെത്തുടര്‍ന്ന് പീച്ചിയില്‍ ചേര്‍ന്ന യോഗത്തില്‍ സംസാരിക്കുന്നതിന് തൊട്ടുമുമ്പ് ഹരിയോട് നടത്തിയ സംഭാഷണമാണ് അശ്ലീലവാക്ക് ചേര്‍ത്ത് പ്രചരിപ്പിച്ചത്.
ഇതിനെതിരെ ഹരി ചേര്‍പ്പ് പോലീസില്‍ നല്കിയ പരാതിയിലാണ് സിഐ ലൈജുമോന്‍ കേസ് രജിസ്റ്റര്‍ ചെയ്ത് കുറ്റക്കാരനെതിരെ നടപടിയെടുത്തത്. പ്രതിക്കെതിരെ മാതൃകാപരമായി ശിക്ഷാ നടപടികള്‍ ഉണ്ടാകണമെന്നും അഡ്വ. കെ.ആര്‍. ഹരി ആവശ്യപ്പെട്ടു.
പ്രതികരിക്കാൻ ഇവിടെ എഴുതുക: