ട്രിനിഡാഡ്: അഫ്ഗാനിസ്ഥാന്റെ ട്വന്റി20 ലോകകപ്പ് ആവേശം സെമിയില് തീര്ന്നു. . അഫ്ഗാനിസ്ഥാനെതിരെ ഒന്പതു വിക്കറ്റ് വിജയവുമായി ദക്ഷിണാഫ്രിക്ക ഫൈനല് ഉറപ്പിച്ചു. അഫ്ഗാനിസ്ഥാന് ഉയര്ത്തിയ 57 റണ്സ് വിജയ ലക്ഷ്യത്തിലേക്ക് 8.5 ഓവറില് ദക്ഷിണാഫ്രിക്കയെത്തി.
എട്ട് പന്തില് അഞ്ച് റണ്സെടുത്ത ക്വിന്റന് ഡികോക്ക് മാത്രമാണു ദക്ഷിണാഫ്രിക്കന് ബാറ്റിങ് നിരയില് പുറത്തായത്. ഫസല്ഹഖ് ഫറൂഖിയുടെ പന്തില് ഡികോക്ക് ബോള്ഡാകുകയായിരുന്നു. റീസ ഹെന്റിക്സും (25 പന്തില് 29) ക്യാപ്റ്റന് എയ്ഡന് മാര്ക്റാമും (21 പന്തില് 23) പുറത്താകാതെനിന്നു.
ടോസ് നേടി ബാറ്റിങ്ങിനിറങ്ങിയ അഫ്ഗാനിസ്ഥാൻ 56 റൺസിന് ഓൾഔട്ടായി. 11.5 ഓവറില് എല്ലാവരും പുറത്ത്. 12 പന്തില് 10 റണ്സെടുത്ത അസ്മത്തുല്ല ഒമര്സായിയാണ് അഫ്ഗാനിസ്ഥാന്റെ ടോപ് സ്കോറര്. മറ്റു താരങ്ങള്ക്കൊന്നും രണ്ടക്കം കടക്കാന് പോലും സാധിച്ചില്ല. മൂന്ന് അഫ്ഗാനിസ്ഥാന് താരങ്ങള് പൂജ്യത്തിനു പുറത്തായി. ദക്ഷിണാഫ്രിക്കയ്ക്കായി പേസര് മാര്കോ ജാന്സന്, സ്പിന്നര് ടബരെയ്സ് ഷംസി എന്നിവര് മൂന്നു വിക്കറ്റുകള് വീതം വീഴ്ത്തി. കഗിസോ റബാദയും ആന്!റിച് നോര്ട്യയും രണ്ടു വിക്കറ്റുകള് സ്വന്തമാക്കി.
