ഭുവനേശ്വര്‍: ജന്മനാടായ ഘട്ടഗാവില്‍ ഒഡീഷ മുഖ്യമന്ത്രി മോഹന്‍ ചരണ്‍ മാജിക്ക് ആവേശോജ്ജ്വല വരവേല്പ്. ഒഡീഷയുടെ ചരിത്രത്തിലെ ആദ്യത്തെ ബിജെപി മുഖ്യമന്ത്രിയായി സത്യപ്രതിജ്ഞ ചെയ്തതിനുശേഷം ആദ്യമായാണ് മാജി ഘട്ടഗാവിലെത്തുന്നത്.
രാവിലെ പത്തരയോടെ ഘട്ടഗാവ് ഹൈസ്‌കൂള്‍ ഹെലിപാഡിലെത്തിയ അദ്ദേഹത്തെ പുഷ്പവൃഷ്ടിയോടെയാണ് വരവേറ്റത്. ഹെലിപാഡില്‍ നിന്ന് മാതരിണി ക്ഷേത്രത്തിലേക്ക് അദ്ദേഹം റോഡ്‌ഷോ നയിച്ചു, അവിടെ അദ്ദേഹം പൂജ നടത്തി.
വഴിയരികില്‍ തടിച്ചുകൂടിയ ജനക്കൂട്ടത്തെ മാജി കൈ വീശി അഭിവാദ്യം ചെയ്തു. ജയ്ശ്രീ റാം വിളികളോടെയാണ് ജനങ്ങള്‍ അദ്ദേഹത്തെ സ്വീകരിച്ചത്. റോഡ്ഷോയ്‌ക്ക് ശേഷം ഘട്ടഗാവിന്റെ വികസനത്തില്‍ മുഖ്യപങ്ക് വഹിച്ച ഭീംസെന്‍ റൗട്ടിന്റെ പ്രതിമയില്‍ മുഖ്യമന്ത്രി പുഷ്പാര്‍ച്ചന നടത്തി.
ഒഡീഷയുടെയും വികസനത്തിനായി പ്രവര്‍ത്തിക്കാന്‍ മാതാ തരിണിയുടെ അനുഗ്രഹം തേടാനാണ് ഞാന്‍ വന്നതെന്ന് അദ്ദേഹം മാധ്യമപ്രവര്‍ത്തകരോട് പറഞ്ഞു. മാ തരിണിയുടെ അനുഗ്രഹത്തോടെ അഞ്ച് വര്‍ഷത്തിനുള്ളില്‍ ഒരു പുതിയ ഒഡീഷ നിര്‍മിക്കും, അദ്ദേഹം പറഞ്ഞു.
പ്രതികരിക്കാൻ ഇവിടെ എഴുതുക: