തിരുവനന്തപുരം : വെള്ളറടയില്‍ എട്ടാംക്ലാസ് വിദ്യാര്‍ഥി വീട്ടിനുള്ളില്‍ മരിച്ചനിലയില്‍ . അരുളാനന്ദകുമാര്‍-ഷൈനി ദമ്പതികളുടെ മകന്‍ അബി എന്ന അഖിലേഷ് കുമാറി(13)നെയാണ് വീട്ടിലെ രണ്ടാം നിലയില്‍ തൂങ്ങിമരിച്ച നിലയില്‍ കണ്ടത്. ശനിയാഴ്ച രാവിലെയോടെയാണ് മൃതദേഹം കണ്ടെത്തിയത്.
ജനല്‍ കമ്പിയില്‍ ഷാളില്‍ കുരുക്കിട്ട നിലയിലായിരുന്നു മൃതദേഹം. കുട്ടിയുടെ കൈ ജനലില്‍ കെട്ടിയ നിലയിലും കാല്‍പാദങ്ങള്‍ തറയില്‍ മുട്ടി നില്‍ക്കുന്ന സ്ഥിതിയിലുമാണ് മൃതദേഹം കണ്ടെത്തിയത്.
മരണത്തില്‍ ദുരൂഹതയുണ്ടെന്ന് നാട്ടുകാര്‍ ആരോപിക്കുന്നു. കുട്ടിയുടെ അമ്മ, അച്ഛന്‍, മുത്തച്ഛന്‍ എന്നിങ്ങനെ മൂന്ന് പേരാണ് വീട്ടിലുള്ളത്. സംഭവ സമയം വീട്ടില്‍ ആരും ഉണ്ടായിരുന്നില്ല. അച്ഛന്‍ ജോലിക്കും അമ്മ പള്ളിയിലും പോയിരുന്നു. മുത്തച്ഛന്‍ സാധനം വാങ്ങാന്‍ മാര്‍ക്കറ്റില്‍ പോയിരുന്നു എന്നാണ് പറയുന്നത്.
ഇന്‍ക്വസ്റ്റ് നടപടികള്‍ പൂര്‍ത്തിയാക്കി മൃതദേഹം മെഡിക്കല്‍ കോളേജിലേക്ക് മാറ്റി. മരിച്ച അഖിലേഷ് കുമാര്‍ വാഴിച്ചല്‍ സ്‌കൂളിലെ എട്ടാംക്ലാസ് വിദ്യാര്‍ഥിയാണ്.
പ്രതികരിക്കാൻ ഇവിടെ എഴുതുക: