റിയാദ്: കയ്യില്‍ മദ്യക്കുപ്പിയില്‍ ഒട്ടിക്കുന്ന സ്റ്റിക്കറുകളുടെ വന്‍ശേഖരത്തോടൊപ്പം മലയാളി ഫുട്ബാള്‍ താരത്തെ സൗദി വിമാനത്താവളത്തില്‍ പിടികൂടി. മദ്യക്കുപ്പിയില്‍ ഒട്ടിക്കുന്ന സ്റ്റിക്കര്‍ എന്തിനാണ് ഇയാള്‍ കടത്താന്‍ ശ്രമിച്ചതെന്ന് അറിയില്ല.
സൗദി അറേബ്യയിലെ അബഹ വിമാനത്താവളത്തിലാണ് താരത്തെ പിടികൂടിയത്. സൗദിയിലെ രണ്ട് പ്രവാസി സംഘടനകള്‍ സംഘടിപ്പിക്കുന്ന രണ്ട് ദിവസം നീളുന്ന ഫുട്ബാള്‍ മത്സരത്തിനാണ് കേരളത്തില്‍ നിന്നും ഈ താരം എത്തിയത്.
സംഭവത്തില്‍ അന്വേഷണം പുരോഗമിക്കുന്നു.അബഹയിലെ പ്രവാസി മലയാളി സംഘത്തിന് വേണ്ടി കളിക്കാന്‍ എത്തിയതായിരുന്നു ഈ താരം. ഇയാൾ വിവിധ ടീമുകൾക്ക് വേണ്ടി കളിക്കാൻ സൗദിയിലെ വിവിധ സ്ഥലങ്ങളിൽ നിരന്തരം എത്താറുണ്ടായിരുന്നു.നാട്ടിൽ നിന്നൊരാൾ കൊടുത്തയച്ചതായും പറയപ്പെടുന്നു. ലഹരി കടത്ത് തടയാൻ സൗദി എയർപോർട്ടുകളിൽ പരിശോധന ശക്തമാക്കിയിട്ടുണ്ട്. മദ്യനിരോധനം നിലനിൽക്കുന്ന സൗദിയിൽ മദ്യവുമായി ബന്ധപ്പെട്ട എന്ത് വസ്തു കൊണ്ടുവരുന്നതും കുറ്റകരമാണ്.
പ്രതികരിക്കാൻ ഇവിടെ എഴുതുക: