തിരുവനന്തപുരം: കേന്ദ്രമന്ത്രിയായശേഷം ആദ്യമായി തിരുവനന്തപുരത്തെത്തിയ സുരേഷ് ഗോപിക്ക് ഉജ്ജ്വല സ്വീകരണം നല്കി ബിജെപി. രാവിലെ 10 മണിയോടെ ബിജെപി
ജില്ലാകമ്മിറ്റി ഓഫീസിലെത്തിയ സുരേഷ് ഗോപിയെ നേതാക്കള്‍ സ്വീകരിച്ചു. തുടര്‍ന്ന് സംസ്ഥാന കമ്മിറ്റി ഓഫീസായ മാരാര്‍ജി ഭവനിലെത്തിയ കേന്ദ്രമന്ത്രിയെ സംസ്ഥാന പ്രസിഡന്റ് കെ. സുരേന്ദ്രന്റെ നേതൃത്വത്തില്‍ ഷാള്‍ അണിയിച്ച് സ്വീകരിച്ചു.
നേതാക്കളായ മുന്‍ കേന്ദ്രമന്ത്രി വി. മുരളീധരന്‍, അഡ്വ. പി.സുധീര്‍, പ്രൊഫ. വി.ടി. രമ. അഡ്വ. ജെ.ആര്‍. പത്മകുമാര്‍, അഡ്വ. എസ്. സുരേഷ്, പത്മിനി തോമസ്, പി.കെ. കൃഷ്ണദാസ്, സി.ശിവന്‍കുട്ടി, കരമന ജയന്‍, ചെങ്കല്‍ രാജശേഖരന്‍ നായര്‍ തുടങ്ങിയവര്‍ പങ്കെടുത്തു കരുണാകരന്‍ കോണ്‍ഗ്രസിന്റെ പിതാവും കോണ്‍ഗ്രസിന്റെ മാതാവ് ഇന്ദിരാ ഗാന്ധിയെന്നുമാണ് പറഞ്ഞതെന്നും തന്റെ പ്രയോഗത്തില്‍ തെറ്റ് പറ്റിയിട്ടില്ല.
എന്നാല്‍ അത് തെറ്റായി പ്രചരിപ്പിച്ചുവെന്നും സുരേഷ് ഗോപി പറഞ്ഞു. ജില്ലാ കമ്മിറ്റി ഓഫീസിലെ സ്വീകരണത്തിനു ശേഷം മാധ്യമപ്രവര്‍ത്തകരോട് സംസാരിക്കുകയായിരുന്നു അദ്ദേഹം. മാരാര്‍ജി ഭവനില്‍ ഒരുക്കിയ സദ്യയിലും സുരേഷ്‌ഗോപി പങ്കെടുത്തു. തുടര്‍ന്ന് മുതിര്‍ന്ന നേതാവ് ഒ.രാജഗോപാലിനെ വീട്ടിലെത്തി സന്ദര്‍ശിച്ച് അനുഗ്രഹവും തേടി.
പ്രതികരിക്കാൻ ഇവിടെ എഴുതുക: