വൈദ്യുത ബിൽ എങ്ങനെയടയ്‌ക്കും എന്ന് ആലോചിക്കുകയാണോ?; പ്രത്യേക ചിലവുകളില്ലാതെ ബില്ലടയ്‌ക്കാനുള്ള എളുപ്പവഴികളിതാ…

പലപ്പോഴും കെഎസ്ഇബി ബിൽ അടയ്‌ക്കുക എന്നത് ബുദ്ധിമുട്ടനുഭവിക്കുന്ന കാര്യമാണ്. എന്നാൽ ഇപ്പോഴിതാ ഇതിന് പരിഹാരമായി എത്തിയിരിക്കുകയാണ് കെഎസ്ഇബി. അധിക ചെലവുകളൊന്നുമില്ലാതെ അനായാസം ബിൽ അടയ്‌ക്കുന്നതിനുള്ള സംവിധാനങ്ങളാണ് കെഎസ്ഇബി സജ്ജമാക്കിയിരിക്കുന്നത്. ആൻഡ്രോയ്ഡ് മൊബൈൽ ആപ്ലിക്കേഷനിലോ wss.kseb.in എന്ന വെബ്‌സൈറ്റിലോ പ്രവേശിച്ച് ഡയറക്റ്റ് നെറ്റ്ബാങ്കിംഗ് അല്ലെങ്കിൽ Rupay ഡെബിറ്റ് കാർഡ് ഉപയോഗിച്ച് ബിൽ അടയ്‌ക്കാവുന്നതാണ്. ബിൽ അടയ്‌ക്കുന്ന വേളയിൽ യാതൊരുവിധ ട്രാൻസാക്ഷൻ ഫീസും ഈടാക്കുന്നില്ല എന്നതും ശ്രദ്ധേയമാണ്.

സ്റ്റേറ്റ് ബാങ്ക് ഓഫ് ഇന്ത്യ, സൗത്ത് ഇന്ത്യൻ ബാങ്ക്, , ഫെഡറൽ ബാങ്ക്, കാത്തലിക് സിറിയൻ ബാങ്ക്, ധനലക്ഷ്മി ബാങ്ക് എന്നിവിടങ്ങളിൽ അക്കൗണ്ട് ഉള്ളവർക്ക് ഡയറക്റ്റ് നെറ്റ്ബാങ്കിംഗ് സൗകര്യം ലഭ്യമാണ്. ഡെബിറ്റ് കാർഡ് ഉപയോഗിച്ച് ഫെഡറൽ ബാങ്ക് ഗേറ്റ് വേയിലൂടെ 2000 രൂപ വരെയുള്ള പെയ്‌മെന്റ് നടത്തുന്നതിന് ട്രാൻസാക്ഷൻ ചാർജ് ഉണ്ടാവില്ല.

ലോ ടെൻഷൻ വൈദ്യുത ഉപഭോക്താക്കൾക്ക് തങ്ങളുടെ 13 അക്ക കൺസ്യൂമർ നമ്പർ വിർച്വൽ അക്കൗണ്ട് നമ്പരായി ഉപയോഗിച്ച് NEFT/RTGS വഴി ബില്ലടയ്‌ക്കാനുള്ള സൗകര്യവും ഒരുക്കിയിട്ടുണ്ട്.

Virtual Account Number : KEB<13 Digit consumer Number>
Beneficiary Name : Kerala State Electricity Board Ltd.
Bank & Branch : South Indian Bank, Trivandrum Corporate
IFSC Code : SIBL0000721

ഇവ കൂടാതെ, UPI/Online Banking/ Debit Card/ Credit Card എന്നീ മാർഗ്ഗങ്ങളുപയോഗിച്ചും വൈദ്യുതി ബിൽ അടയ്‌ക്കാം.