ന്യൂദൽഹി: വലിയ മണ്ണിടിച്ചിലിൽ തകർന്ന പാപുവ ന്യൂ ഗിനിയയിലെ എൻഗ പ്രവിശ്യയിലേക്ക് ഇന്ത്യ വ്യാഴാഴ്ച 19 ടൺ മാനുഷിക, ദുരന്ത നിവാരണ (എച്ച്എഡിആർ) സാമഗ്രികൾ അയച്ചു.
“പാപ്പുവ ന്യൂ ഗിനിയയിലെ എൻഗ പ്രവിശ്യയിലുണ്ടായ വൻ മണ്ണിടിച്ചിലിന്റെ പശ്ചാത്തലത്തിൽ, ഞങ്ങളുടെ അടുത്ത എഫ്ഐപിഐസി പങ്കാളിക്ക് ഇന്ത്യ 1 ദശലക്ഷം യുഎസ് ഡോളർ അടിയന്തര സഹായം പ്രഖ്യാപിച്ചിരുന്നു,”- വിദേശകാര്യ മന്ത്രാലയ വക്താവ് രൺധീർ ജയ്സ്വാൾ പറഞ്ഞു.
പ്രഖ്യാപനത്തിന് അനുസൃതമായി, ഏകദേശം 19 ടൺ എച്ച്എഡിആർ സാധനങ്ങളുമായി ഒരു വിമാനം ഇന്ന് പാപുവ ന്യൂ ഗിനിയയിലേക്ക് പുറപ്പെട്ടു,” അദ്ദേഹം പറഞ്ഞു.
കഴിഞ്ഞ മാസം അവസാനം, മണ്ണിടിച്ചിലിന്റെ പശ്ചാത്തലത്തിൽ ദ്വീപ് രാഷ്ട്രത്തിന് ഇന്ത്യ ഒരു മില്യൺ യുഎസ് ഡോളർ സഹായം പ്രഖ്യാപിച്ചിരുന്നു. മണ്ണിടിച്ചിലിൽ 2,000-ത്തിലധികം ആളുകൾ കൊല്ലപ്പെട്ടതായി ആ രാജ്യത്ത് നിന്നുള്ള മാധ്യമ റിപ്പോർട്ടുകൾ പറയുന്നു.
ഫോറം ഫോർ ഇന്ത്യ-പസഫിക് ദ്വീപുകളുടെ സഹകരണത്തിൽ (എഫ്ഐപിഐസി) അംഗമാണ് പാപുവ ന്യൂ ഗിനിയ. എഫ്ഐപിഐസി വഴി ഇന്ത്യ പസഫിക് ദ്വീപ് രാഷ്ട്രങ്ങളുമായി സഹകരണം പ്രോത്സാഹിപ്പിക്കുന്നു.
