ഒട്ടാവ: കാനഡയില്‍ ഭാരത വംശജന്‍ വെടിയേറ്റ് മരിച്ചു. പഞ്ചാബിലെ ലുധിയാന സ്വദേശിയായ യുവരാജ് ഗോയല്‍(28) ആണ് കൊല്ലപ്പെട്ടത്. വെള്ളിയാഴ്ച രാവിലെ യുവരാജ് താമസിക്കുന്ന വീടിന് പുറത്തുവച്ചാണ് വെടിയേറ്റ് മരിച്ചത്.
2019ല്‍ സ്റ്റുഡന്റ്‌സ് വിസയില്‍ എത്തിയ യുവരാജിന് അടുത്തിടെ കാനഡയില്‍ പെര്‍മനെന്റ് റസിഡന്റ്(പിആര്‍) ലഭിച്ചിരുന്നു. നിലവില്‍ സെയില്‍സ് എക്സിക്യൂട്ടീവായി ജോലി ചെയ്ത് വരികയായിരുന്നു. മരിക്കുന്നതിന് തൊട്ടുമുമ്പ് ഇയാള്‍ നാട്ടിലേക്ക് വിളിച്ച് അമ്മയുമായി ഫോണില്‍ സംസാരിച്ചിരുന്നു.
സംഭവവുമായി ബന്ധപ്പെട്ട് നാല് പേരെ പോലീസ് കസ്റ്റഡിയില്‍ എടുത്തിട്ടുണ്ട്. സറേ നിവാസികളായ മന്‍വീര്‍ ബസ്‌റം (23), സാഹിബ് ബസ്ര (20), ഹര്‍കിരത് ജുട്ടി (23), ഒന്റാറിയോയിലെ കെയ്‌ലോണ്‍ ഫ്രാങ്കോയിസ് (20) എന്നിവര്‍ക്കെതിരെ കൊലപാതകക്കുറ്റം ചുമത്തിയാണ് പോലീസ് അറസ്റ്റ് ചെയ്തത്. യുവരാജിന് ക്രിമിനല്‍ പശ്ചാത്തലം ഇല്ല. കേസെടുത്ത് അന്വേഷണം ആരംഭിച്ചതായും റോയല്‍ കനേഡിയന്‍ പോലീസ് അറിയിച്ചു. രാജേഷ് ഗോയലാണ് യുവരാജിന്റെ അച്ഛന്‍. അമ്മ ശകുന്‍ ഗോയല്‍.
പ്രതികരിക്കാൻ ഇവിടെ എഴുതുക: