കോട്ടയം: തൃശ്ശൂരില്‍ നിന്ന് ലോക്‌സഭാംഗമായി തെരഞ്ഞെടുക്കപ്പെട്ട സുരേഷ് ഗോപിക്ക് അഭിനന്ദനങ്ങള്‍ നേര്‍ന്ന് സഹപ്രവര്‍ത്തകനും സുഹൃത്തുമായ നടന്‍ മോഹന്‍ലാല്‍. ഫേസ്ബുക്കിലാണ് കണ്‍ഗ്രാജുലേഷന്‍സ് ഡിയര്‍ സുരേഷ് എന്ന ഒറ്റവരി അഭിനന്ദനം മോഹന്‍ലാല്‍ അറിയിച്ചിരിക്കുന്നത്. എന്തിനാണ് അഭിനന്ദനം എന്നൊന്നും പോസ്റ്റില്‍ വിശദീകരിക്കാന്‍ മോഹന്‍ലാല്‍ ശ്രമിച്ചിട്ടില്ല. ഇനി അതിന്റെ പേരില്‍ ഒരു പൊല്ലാപ്പ് വേണ്ട എന്ന് കരുതിയിട്ടാവണം തെരഞ്ഞെടുപ്പിനെകുറിച്ചോ വിജയത്തെക്കുറിച്ചോ പരാമര്‍ശിക്കാതിരുന്നത്. കൃഷ്ണനും രാധയും ചേര്‍ന്നു നില്‍ക്കുന്ന ചിത്രം പ്രിന്‌റു ചെയ്ത, വെളുത്ത ഷര്‍ട്ടിട്ട സുരേഷ്‌ഗോപിയുടെ ചിത്രവും ഇതോടൊപ്പം ചേര്‍ത്തിട്ടുണ്ട്. ഒട്ടേറെ പേരാണ് ഇതിനു ലൈക്കും ഷെയറും നല്‍കിയിട്ടുള്ളത്.
ബിജെപിയെക്കുറിച്ച് അനുകൂലമായി എന്തെങ്കിലും പറഞ്ഞു പോയാല്‍ ഉണ്ടാകാവുന്ന സോഷ്യല്‍ മീഡിയ കടന്നാക്രമണങ്ങളെ അകറ്റിനിറുത്താനാവണം മോഹന്‍ലാല്‍ ഇത്രമേല്‍ മിതത്വം പാലിച്ചതെന്ന് ചിലര്‍ പോസ്റ്റിനു താഴെ പ്രതികരിച്ചിട്ടുണ്ട്. തങ്ങളുടെ ഒരു സഹപ്രവര്‍ത്തകന്‍ വന്‍ ഭൂരിപക്ഷത്തില്‍ ലോക്‌സഭയിലേക്ക് തിരഞ്ഞെടുക്കപ്പെട്ടതിന്റെ അഭിമാനവും സ്‌നേഹവും ആ ഒറ്റ വരിയില്‍ ഉണ്ടെന്നാണ് ആരാധകരുടെ പക്ഷം.
Monday, November 25, 2024
കണ്‍ഗ്രാജുലേഷന്‍സ് ഡിയര്‍ സുരേഷ്: ഫേസ്ബുക്കില്‍ ഒറ്റവരി അഭിനന്ദനവുമായി മോഹന്‍ലാല്‍
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: