കൊല്ലം: ഡോ. വന്ദന ദാസ് കൊലക്കേസ് പ്രതി സന്ദീപിന്റെ വിടുതല് ഹര്ജി കൊല്ലം അഡീഷണല് സെഷന്സ് കോടതി തള്ളി. കേസില് നിന്ന് ഒഴിവാക്കണമെന്നായിരുന്നു പ്രതിഭാഗം ആവശ്യം.
സെഷന്സ് കോടതിയുടെ നടപടിക്കെതിരെ ഹൈക്കോടതിയില് റിവിഷന് ഹര്ജി നല്കുമെന്ന് പ്രതിഭാഗം അറിയിച്ചു.കഴിഞ്ഞ വര്ഷം മേയ് 10 നാണ് കൊട്ടാരക്കര താലൂക്ക് ആശുപത്രിയില് ഹൗസ് സര്ജായിരുന്ന വന്ദന ദാസ് കൊല്ലപ്പെട്ടത്.
കൊല്ലം അസീസിയ മെഡിക്കല് കോളേജിലെ വിദ്യാര്ത്ഥിനിയായിരുന്നു ഡോ.വന്ദന. ചികിത്സക്കായി പൊലീസെത്തിച്ച പ്രതി സന്ദീപ് ഡോക്ടര് വന്ദന ദാസിനെ കുത്തിക്കൊല്ലുകയായിരുന്നു. കൊല്ലം നെടുമ്പന യു പി സ്കൂള് അധ്യാപകനായിരുന്നു പ്രതി സന്ദീപ്. ആഭ്യന്തര അന്വേഷണ റിപ്പോര്ട്ടിന്റെ അടിസ്ഥാനത്തില് ഇയാളെ ജോലിയില് നിന്നും പിരിച്ചുവിട്ടു.
