ഏറ്റുമാനൂര്‍: മീന്‍ പിടിക്കാന്‍ പോയ യുവാവ് കാല്‍ വഴുതി തോട്ടില്‍ വീണ് മരിച്ചു. നീണ്ടൂര്‍ മൂഴിക്കുളങ്ങര മുട്ടത്തില്‍ മുരളീധരന്‍ നായരുടെ മകന്‍ വിമോദ് (42) ആണ് മാനാടി തോട്ടില്‍ വീണ് മരിച്ചത്.
ബുധനാഴ്ച വൈകിട്ട് രണ്ട് സുഹൃത്തുക്കള്‍ക്കൊപ്പമാണ് വിമോദ് മീന്‍ പിടിക്കാന്‍ പോയത്. മാനാടിപാടത്തിന്റെ ബണ്ടില്‍ കൂടി നടക്കുമ്പോള്‍ പുല്ലില്‍ ചവുട്ടി കാല്‍വഴുതി തോട്ടിലേക്ക് വീഴുകയായിരുന്നു. സുഹൃത്തുക്കള്‍ക്ക് രക്ഷിക്കാനാകാതെ വന്നതോടെ അറിയിച്ചതനുസരിച്ച് ഫയര്ഫോഴ്സ് എത്തിയെങ്കിലും പടര്‍ന്നു കിടക്കുന്ന പുല്ല് രക്ഷാപ്രവര്‍ത്തനത്തിന് തടസമായി. രാത്രി 11 മണിയോടെ ഫയര്ഫോഴ്സ് മടങ്ങി.
വ്യാഴാഴ്ച പുലര്‍ച്ചെ നാട്ടുകാര്‍ ചേര്‍ന്ന് പുല്ല് വെട്ടി നീക്കിയ ശേഷം നടത്തിയ തെരച്ചിലില്‍ 100 മീറ്റര്‍ മാറി തോട്ടില്‍ മൃതദേഹം കണ്ടെത്തുകയായിരുന്നു. നാട്ടുകാരും പോലീസും ചേര്‍ന്ന് മൃതദേഹം പുറത്തെടുത്ത് മെഡിക്കല്‍ കോളജ് മോര്‍ച്ചറിയില്‍ എത്തിച്ചു.
വിമോദ് അവിവാഹിതനാണ്. അമ്മ: രാജമ്മ. സഹോദരങ്ങള്‍: വിമല്‍, വിദ്യ. സംസ്‌കാരം നടത്തി.
പ്രതികരിക്കാൻ ഇവിടെ എഴുതുക: