ആലപ്പുഴ: അമ്പലപ്പുഴ പഴയങ്ങാടിയിൽ നിയന്ത്രണം വിട്ട കാർ തലകീഴായി മറിഞ്ഞ് അപകടം. ദേശീയ പാതയിൽ പുറക്കാട് പഴയങ്ങാടി ജംഗ്ഷന് സമീപമായിരുന്നു സംഭവം. ഗുജറാത്തിൽ നിന്ന് മാവേലിക്കരയിലേക്ക് പോയ കാറാണ് അപകടത്തിൽപ്പെട്ടത്.
നിർമാണം നടക്കുന്ന ദേശീയ പാതയിലെ കുഴിയിൽ വീണ് നിയന്ത്രണം തെറ്റിയ കാർ റോഡരികിൽ സ്ഥാപിച്ചിരിക്കുന്ന കമ്പികൾ തകർത്താണ് തലകീഴായി മറിഞ്ഞത്. കാറിലുണ്ടായിരുന്ന രണ്ട് യാത്രക്കാരും പരിക്കുകളില്ലാതെ അത്ഭുതകരമായി രക്ഷപ്പെട്ടെന്ന് പൊലീസ് അറിയിച്ചു.
