വയനാട് വനത്തില്‍ തലയോട്ടിയും അസ്ഥികൂടവും കണ്ടെത്തി

കല്‍പ്പറ്റ: കാട്ടിനുള്ളില്‍ തലയോട്ടിയും അസ്ഥികൂടവും കണ്ടെത്തി. വയനാട് തൃശിലേരിയില്‍ ആണ് സംഭവം.

ഓലിയോട്ട് റിസര്‍വ് വനത്തിലെ കുറുക്കന്മൂല ഭാഗത്താണ് തലയോട്ടിയും അസ്ഥികൂടവും കണ്ടെത്തിയത്.വനംവകുപ്പിനായി തേക്ക് മുറിക്കുന്ന തൊഴിലാളികളാണ് ഇവ കണ്ടത്.

ഉടന്‍ പൊലീസിനെയും വനംവകുപ്പിനെയും വിവരം അറിയിച്ചു. തലയോട്ടിയും അസ്ഥികൂടവും ശാസ്ത്രീയ പരിശോധനയ്‌ക്ക് വിധേയമാക്കുമെന്ന് അധികൃതര്‍ പറഞ്ഞു.