വർഷങ്ങളുടെ ഭീഷണിക്ക് ശേഷം ബാരാമുള്ളയിൽ ആളുകൾ വോട്ട് ചെയ്യാൻ ഇറങ്ങി

ബാരാമുള്ള. :വിഘടനവാദ പ്രവർത്തനങ്ങൾക്ക് പേരുകേട്ട പ്രദേശമായ ബാരാമുള്ള ലോക്‌സഭാ മണ്ഡലത്തിൽ വോട്ട് ചെയ്യാൻ സാധിച്ചതിന്റെ ആവേശത്തിലാണ് പൊതുജനം. മണ്ഡലത്തിലെ സോപോറിലെ ഡെലിന ഗ്രാമത്തിലെ പോളിംഗ് സ്റ്റേഷന്റെ പുറത്ത് നീണ്ട ക്യൂ ഇതിന് ഉത്തമ ഉദാഹരണമാണ്.

“പണ്ട് എനിക്ക് വോട്ട് ചെയ്യാൻ അവസരം ലഭിച്ചിരുന്നില്ല, രാജ്യത്തിന്റെ വികസനത്തിനായി പ്രവർത്തിക്കുന്ന ഒരു സർക്കാരിനെ തിരഞ്ഞെടുക്കാനാണ് ഇന്ന് വോട്ട് ചെയ്തത്,” -52 കാരനായ ഗുലാം ഖാദിർ ദർസി പറഞ്ഞു. ഇത്തരത്തിൽ ആദ്യമായി വോട്ട് ചെയ്തതിന് ശേഷം നിരവധി പേരാണ് തിങ്കളാഴ്ച സോപോർ പോളിങ് ബൂത്തുകളിൽ നിന്നും പുറത്തിറങ്ങുന്നത്.

എന്നാൽ ബഹിഷ്‌കരണ ആഹ്വാനങ്ങൾക്കും ഭീഷണികൾക്കും ഇടയിൽ തെരഞ്ഞെടുപ്പിൽ നിന്ന് വിട്ടുനിൽക്കുന്ന നിരവധി വോട്ടർമാരുമുണ്ട്.